అయ్యో... జాక్వెలిన్ ను పీకేసారట!

Posted: 06/05/2015 12:23 PM IST

Jacqueline fernandez kicked out from salman kick sequel

తెలుగులో మాస్ మహారాజా రవితేజ నటించిన ‘కిక్’ చిత్రాన్ని హిందీలో అదే పేరుతో సల్మాన్ ఖాన్ హీరోగా రీమేక్ చేసిన విషయం తెలిసిందే. హిందీలో సల్మాన్ ఖాన్, జాక్వెలిన్ ఫెర్నాండేజ్ హీరోహీరోయిన్లుగా నటించిన ఈ చిత్రం బాలీవుడ్ లో కలెక్షన్ల వర్షం కురిపించేసింది. ప్రస్తుతం ఈ చిత్రానికి సీక్వెల్ రూపొందనుంది.

ప్రముఖ దర్శకనిర్మాత సాజిద్ నడియాడ్ వాలా దర్శకత్వంలో రూపొందనున్న ఈ సీక్వెల్ లో మొదటి హీరోయిన్ జాక్వెలిన్ ఫెర్నాండేజ్ ను వద్దనుకున్నారట. ‘కిక్’ సినిమా షూటింగ్ సమయంలో వీరిద్దరూ చాలా క్లోజ్ గా వున్నారు. సినిమాలో కూడా వీరి కెమిస్ట్రీ బాగుందని ప్రశంసలు కూడా వచ్చాయి. కానీ ‘కిక్2’ లో మాత్రం జాక్వెలిన్ ను తీసుకోవట్లేదని సాజిద్ ఇటీవలే సల్మాన్ సన్నిహితుడితో చెప్పినట్లుగా తెలిసింది.

జాక్వెలిన్ ను ఈ సీక్వెల్లో తీసుకోకపోవడానికి కారణం ఏంటా అని చూస్తే... సల్మాన్ కు జైలు శిక్ష పడ్డ సమయంలో అందరూ కూడా ఆయనకు అండగా నిలిచారు. కానీ ఆ సమయంలో జాక్వెలిన్ మాత్రం సల్మాన్ వైపే వెళ్లలేదు. కానీ ఆ సమయంలో తాను ప్రయాణంలో వున్నానని జాక్వెలిన్ ఎంత చెప్పినా కూడా ఎవరూ కూడా పట్టించుకోలేదట. అందుకే జాక్వెలిన్ ను ఈ సీక్వెల్ లో తీసుకోవట్లేదని సమాచారం.

ప్రస్తుతం సల్మాన్ నటిస్తున్న ‘భజరంగీ భైజాన్’ చిత్రం విడుదలకు సిద్ధమవుతోంది. ఈ సినిమా తర్వాత ‘కిక్’ సీక్వెల్ ప్రాజెక్ట్ సెట్స్ పైకి వెళ్లనుంది. మరి ఈ సీక్వెల్ లో సల్మాన్ పక్కన ఎవరిని హీరోయిన్ గా తీసుకుంటారో త్వరలోనే తెలియనుంది.