జ్యోతిలక్ష్మీ కోసం యాంకర్ గా మారుతుందా?

Posted: 06/03/2015 10:43 AM IST

పూరీ జగన్నాథ్ దర్శకత్వంలో ఛార్మింగ్ గర్ల్ ఛార్మి ప్రధాన పాత్రలో నటిస్తున్న తాజా చిత్రం ‘జ్యోతిలక్ష్మీ’. ఇప్పటికే విడుదలైన పోస్టర్లు, ట్రైలర్లు, ఫోటోలకు మంచి స్పందన వచ్చింది. ఇందులో ఛార్మి హాట్ వేశ్య పాత్రలో మరియు సాధారణ మహిళ పాత్రలో నటించింది.

ఇప్పటికే విడుదలైన ట్రైలర్ కు భారీ స్పందన వస్తోంది. అయితే ఈ చిత్ర ఆడియో విడుదల కార్యక్రమం రేపు ఘనంగా విడుదల చేయనున్నారు. అయితే ఈ ఆడియో కార్యక్రమానికి ఛార్మి స్వయంగా యాంకరింగ్ చేయబోతున్నట్లుగా తెలిసింది. మరి ఈ వేడుకలో ఛార్మి ఎలా యాంకరింగ్ చేయనుందో చూడాలి.

సికె ఎంటర్ టైన్మెంట్స్ ప్రై.లిమిటెడ్ మరియు శ్రీ శుభ శ్వేత ఫిలింస్ బ్యానర్లో రూపొందుతోంది. ఇప్పటికే షూటింగ్ పూర్తి చేసుకొని, పోస్ట్ ప్రొడక్షన్ పనుల్లో బిజీగా జరుపుకుంటోంది. ఈ చిత్రాన్ని జూన్ 12న విడుదల చేయనున్నారు. మరి ఈ సినిమా ఎలాంటి విజయం సాధించనుందో మరికొద్ది రోజుల్లోనే తెలియనుంది.