దెయ్యాల గూటిలో చిక్కుకున్న పూనం

Posted: 06/02/2015 01:37 PM IST

రిస్క్.. జీవితంలో కొత్త మలుపు తీసుకురావచ్చు లేదా మరిన్ని కష్టాలను తెచ్చిపెట్టవచ్చు. ఈ విషయాన్ని గ్రహించినవారు చాలావరకు ‘రిస్క్’ తీసుకోరు. జీవితంలో ఎన్ని ఒడిదుడుకులు ఎదురైనప్పటికీ.. సాఫీగా కొనసాగించడానికి ఇష్టపడతారు. ‘ఆల్రెడీ కష్టాల్లో వున్న లైఫ్ ని మరింత ‘రిస్క్’లో ఎందుకు నెట్టేయాలి’ అంటూ సైడైపోతారు. కానీ.. మరికొందరు మాత్రం తమ ఆశయాలను, లక్ష్యాన్ని చేరుకోవడం కోసం జీవితాన్ని పణంగా పెడతారు. వారి దగ్గర అనుభవించడానికి ఎన్నో సౌకర్యాలున్నా, లేకపోయినా.. ఏదో సాధించాలన్న తపనతో ‘రిస్క్’ తీసుకోవడానికి ఇష్టపడతారు. అలాంటివారి కోవలోకి తాజాగా నటి పూనం బాజ్వా చేరిపోయినట్లు కనిపిస్తోంది.

‘బాస్’, ‘పరుగు’ వంటి సినిమాల్లో నటించిన పూనం బాజ్వాకి ఆ తర్వాత తెలుగులో మరే అవకాశాలు రాకపోవడంతో తమిళ, మలయాళ సినిమాలపై దృష్టి సారించింది. అక్కడ అందివచ్చిన చిన్నాచితకా సినిమాలు కాలక్షేపం చేసిన ఈ అమ్మడు.. భారీ సినిమాలో ఆఫర్ దక్కించుకోవడం కోసం చాలా ప్రయత్నాలు చేసింది. కేవలం చిన్న సినిమాలు చేసుకుంటూ కాలం వెళ్లదీయకుండా తనకంటూ ప్రత్యేక గుర్తింపు తెచ్చుకోవాలన్న తపనతో వైవిధ్యభరితమైన చిత్రాల్లో నటించాలన్న కోరికతో ముందడుగు వేసింది. ఈ క్రమంలోనే ఈ అమ్మడికి ఓ భారీ ఆఫర్ వరించింది. ప్రస్తుతం భోగీ అనే తమిళ సినిమాలో నటిస్తున్న పూనంకు.. హారర్ నేపథ్యంలో కొనసాగే ఓ చిత్రంలో ఈమె వైవిధ్యభరితమైన పాత్ర పోషించే భారీ ఆఫర్ సొంతం చేసుకుంది.

ప్రముఖ దర్శకుడు సుందర్.సి దర్శకత్వం వహిస్తున్న ‘అరణ్మనై’ సీక్వెల్ లో నటించే చాన్స్ పూనంకు లభించిందని కోలీవుడ్ న్యూస్! ఈ హారర్ మూవీలో ఇప్పటికే త్రిష, హన్సిక హీరోయిన్లుగా నటిస్తున్నారు. అయితే.. మరో కీలకపాత్ర కూడా వుండటంతో దానికోసం పూనంను సంప్రదించి ఆమెను తీసుకున్నారట! అందుకు ఆమె వెంటనే గ్రీన్ సిగ్నల్ ఇచ్చిందని సమాచారం! అయితే.. ఇద్దరూ స్టార్ హీరోయిన్లు వున్న ఈ చిత్రంలో పూనంకి గుర్తింపు లభిస్తుందా? ప్రశ్నలు లేవనెత్తాయి. దీంతో ఆమె తన నటనతో ప్రేక్షకుల్ని మెప్పించేందుకు ప్రయత్నిస్తానని .. ఈ చిత్రం తన కెరీర్ ని చాలా హెల్ప్ అవుతుందని.. అందుకు తాను ఎంత రిస్కైనా తీసుకుంటానని అమ్మడు వెల్లడించిందని సన్నిహిత వర్గాలు పేర్కొంటున్నాయి.