నేడే ఎన్టీఆర్ కొడుకు ఫస్ట్ లుక్ విడుదల?

Posted: 05/19/2015 01:17 PM IST

యంగ్ టైగర్ ఎన్టీఆర్ వారసుడి ఫోటో కోసం ఎన్టీఆర్ అభిమానులు ఎంతో ఆతృతగా ఎదురుచూస్తున్నారు. ఎన్టీఆర్ కు ఇటీవలే కొడుకు పుట్టిన విషయం తెలిసిందే. అయితే ఆ చిన్నారికి సంబంధించిన ఎలాంటి ఫోటోలు కూడా బయటకు రాకుండా ఎన్టీఆర్ చాలా జాగ్రత్తలు తీసుకున్నాడు. అయితే ఎన్టీఆర్ స్వయంగా తన కొడుకు ఫోటోలను విడుదల చేయడానికి సిద్దమయినట్లుగా తెలిసింది.

రేపు (మే 20) యంగ్ టైగర్ ఎన్టీఆర్ పుట్టినరోజు. అయితే మాములుగా తన పుట్టినరోజున తన కొత్త సినిమాల ఫస్ట్ లుక్ పోస్టర్లు, ట్రైలర్లు ఏదో ఒకటి విడుదలయ్యేవి. కానీ ఈసారి మాత్రం ఎన్టీఆర్ తన కొడుకు ఫోటోను విడుదల చేయబోతున్నాడని తెలిసింది. ఎన్టీఆర్ పుట్టినరోజునే ఎన్టీఆర్ కొడుకు ఫోటో విడుదలకానుందని తెలిసి అభిమానులు చాలా సంతోషంగా వున్నారు.

అలాగే ఎన్టీఆర్ ప్రస్తుతం సుకుమార్ దర్శకత్వంలో తెరకెక్కుతున్న ఓ చిత్రంలో నటిస్తున్న విషయం తెలిసిందే. ఈ చిత్రానికి ‘నాన్నకు ప్రేమతో’ అనే టైటిల్ అనుకుంటున్నారు. అయితే ఈ చిత్ర ఫస్ట్ లుక్ పోస్టర్ ను రేపు ఎన్టీఆర్ పుట్టినరోజు సంధర్భంగా విడుదల చేయబోతున్నారని తెలిసింది. మరి ఒకేరోజు ఇన్ని ఆనందాలు అందిస్తే... యంగ్ టైగర్ ఎన్టీఆర్ అభిమానుల సంతోషాలకు హద్దులే వుండవని చెప్పుకోవచ్చు. ఈ వార్తల్లో ఎలాంటి నిజం వుందో మరికొద్ది గంటల్లో తెలియనుంది.