రవితేజ బెంగాల్ టైగర్ కు భీమ్స్ సందడి

Posted: 05/11/2015 04:03 PM IST

టాలీవుడ్ మాస్ మహారాజ్ రవితేజ... టాలెంట్ వున్న దర్శకులను, రచయితలను, సంగీత దర్శకులను ప్రోత్సహిస్తాడనే విషయం అందరికి తెలిసిందే. ఆ విధంగా వచ్చిన వారిలో హారీష్ శంకర్, గోపిచంద్ మలినేని, బోయపాటి శ్రీను, థమన్ ఇలా చాలా మంది వున్నారు. తాజాగా మరో సంగీత దర్శకుడిని రవితేజ ప్రోత్సహిస్తున్నట్లుగా తెలిసింది

తెలుగులో ఇప్పటికే ‘గాలిపటం’, కేవు కేక’, ‘అలా ఎలా’, ‘జోరు’ చిత్రాలకు సంగీతం అందించిన సంగీత దర్శకుడు భీమ్స్... తాజాగా రవితేజ సినిమాకు సంగీతం అందించే బంపర్ ఆఫర్ ను దక్కించుకున్నాడు. ప్రస్తుతం రవితేజ హీరోగా నటిస్తున్న తాజా చిత్రం ‘బెంగాల్ టైగర్’ సంపత్ నంది దర్శకత్వంలో తెరకెక్కుతున్న ఈ చిత్రానికి భీమ్స్ సంగీతం అందించే అవకాశం దక్కించుకున్నాడు.

దర్శకుడు సంపత్ నందికి, భీమ్స్ కు మధ్య మంచి స్నేహం వుండటం వల్ల ఈ అవకాశం వచ్చినట్లుగా తెలిసింది. శ్రీ సత్యసాయి ఆర్ట్స్ పతాకంపై కేకే రాధామోహన్ ఈ సినిమాను నిర్మిస్తున్నారు. రవితేజ సరసన తమన్నా, రాశిఖన్నాలు హీరోయిన్లుగా నటిస్తున్నారు. త్వరలోనే ఈ చిత్రం ప్రేక్షకుల ముందుకు రానుంది.