ఆదాశర్మ, బన్నీల మధ్య ఘాటు లిప్ లాక్

Posted: 04/07/2015 10:15 AM IST

ప్రముఖ దర్శకుడు త్రివిక్రమ్ శ్రీనివాస్ దర్శకత్వంలో స్టైలిష్ స్టార్ అల్లు అర్జున్ హీరోగా నటించిన ‘సన్నాఫ్ సత్యమూర్తి’ చిత్రం ఈనెల 9వ తేదిన ప్రపంచ వ్యాప్తంగా విడుదల కానున్న విషయం తెలిసిందే. ఈ చిత్రాన్ని హారిక అండ్ హాసిని క్రియేషన్స్ బ్యానర్లో నిర్మాత ఎస్.రాధాకృష్ణ నిర్మించారు.

బన్నీ సరసన సమంత, నిత్యామీనన్, ఆదాశర్మ హీరోయిన్లుగా నటించారు. దేవిశ్రీప్రసాద్ సంగీతం అందించిన పాటలు ఇటీవలే విడుదలై మంచి సక్సెస్ ను సాధించాయి. ఇటీవలే ఈ చిత్రం సెన్సార్ కార్యక్రమాలను పూర్తి చేసుకొని U/A సర్టిఫికెట్ ను సొంతం చేసుకుంది. అయితే సెన్సార్ బోర్డుకు పంపించే ముందే త్రివిక్రమ్ తనదైన శైలిలో ఈ చిత్రానికి సెన్సార్ జరిపినట్లుగా తెలిసింది.

ఈ సినిమాలో ముగ్గురు హీరోయిన్లు వుండటం వల్ల గ్లామర్ చాలా ఎక్కువ అయ్యిందట. అలాగే బన్నీ, ఆదాశర్మల మధ్య ఓ ఘాటు లిప్ లాక్ సన్నీవేశం తెరకెక్కించారట. కానీ కుటుంబసమేతంగా కలిసి అందరూ ఈ సినిమా చూస్తున్నంత వరకు ఎక్కడ కూడా ఇబ్బంది పడకూడదనే ఉద్దేశ్యంతో దర్శకుడు ఈ లిప్ లాక్ సన్నీవేశాలను తీసేసినట్లుగా తెలిసింది.

భారీ అంచనాలతో తెరకెక్కిన ఈ చిత్రం ట్రైలర్ ఇప్పటికే ఫ్యామిలీ ప్రేక్షకులకు బాగా చేరువయ్యింది. ఈ సినిమా కూడా ‘అత్తారింటికి దారేది’ తరహాలో అందరిని అలరించే విధంగా వుంటుందని చిత్ర యూనిట్ ఆశాభావం వ్యక్తం చేస్తున్నారు. మరి ‘సన్నాఫ్ సత్యమూర్తి’ చిత్రం ఎలాంటి విజయం సాధించనుందో మరికొద్ది రోజుల్లో తెలియనుంది.