పివిపి ప్రాజెక్టు నుంచి శృతి ఔట్?

Posted: 03/25/2015 03:36 PM IST

వంశీ పైడిపల్లి దర్శకత్వంలో నాగార్జున, కార్తీలు ప్రధాన పాత్రలలో ఓ భారీ మల్టీస్టారర్ చిత్రం నిర్మిస్తున్న విషయం తెలిసిందే. ప్రముఖ భారీ బడ్జెట్ చిత్రాల నిర్మాణ సంస్థ పివిపి బ్యానర్లో ప్రముఖ నిర్మాత ప్రసాద్.వి.పోట్లూరి ఈ చిత్రాన్ని నిర్మిస్తున్నారు. తాజాగా ఈ చిత్ర తెలుగు, తమిళ ముహూర్త కార్యక్రమాలు ఇటీవలే ఘనంగా జరిగాయి.

ఇటీవలే ఈ చిత్ర షూటింగ్ చెన్నైలో ప్రారంభమయ్యాయి. అయితే ఇందులో హీరోయిన్ గా శృతిహాసన్ ను ఎంపిక చేసారు. కానీ తాజా సమాచారం ప్రకారం ఈ ప్రాజెక్టు నుంచి శృతిహాసన్ తప్పుకున్నట్లుగా వార్తలు వినిపిస్తున్నాయి. శృతిహాసన్ ప్రస్తుతం తెలుగు, తమిళ, హిందీ భాషల వరుస చిత్రాలతో చాలా బిజీగా వుంది.

పైగా ఈ అమ్మడు హీరోయిన్ గా నటిస్తున్న సినిమాలన్నీ కూడా ఘనవిజయం సాధిస్తుండటంతో... భారీ క్రేజ్ ఏర్పడింది. దీంతో వరుస ఆఫర్లు వచ్చి పడుతున్నాయి. దీంతో కొత్త సినిమాలకు డేట్స్ అడ్జెస్ట్ చేయలేకపోతుంది. అందువల్లనే ఈ మల్టీస్టారర్ ప్రాజెక్టు నుంచి శృతిహాసన్ తప్పుకున్నట్లుగా తెలిసింది. త్వరలోనే ఈ విషయంపై చిత్ర యూనిట్ స్పందించనున్నారు.