ఆ హీరోని మరోసారి మాయలో పడేసిన త్రిష

Posted: 03/23/2015 12:46 PM IST

నిశ్చితార్థానికి ముందు అరకొర సినిమాలు చేసుకుంటూ కాలక్షేపం చేసిన హీరోయిన్ త్రిష.. ఇప్పుడు తన స్పీడును బాగానే పెంచినట్లు తెలుస్తోంది. తెలుగు, తమిళ భాషల్లో వరుసగా సినిమాలు ఒప్పేసుకుంటోంది. ఇప్పటికే బాలయ్య సరసన ‘లయన్’ చిత్రంలో నటిస్తున్న ఈ బ్యూటీ.. మరో తెలుగు హారర్ కామెడీ చిత్రాన్ని అంగీకరించింది. ఇక తమిళంలోనూ ఈ భామ వస్తున్న ఆఫర్లను తిరస్కరించకుండా గ్రీన్ సిగ్నల్ ఇచ్చేస్తోంది. తమిళంలో తన భర్త నిర్మాణంలో ఓ మూవీలో నటించనుందని గతంలో వార్తలు వచ్చిన విదితమే.. ఇప్పుడు తాజాగా మరో తమిళ మూవీలో నటించేందుకు పచ్చజెండా ఊపిందని సమాచారం!

గతకొంతకాలంగా సినిమాలకు దూరంగా వుంటూ వస్తున్న ప్రముఖ దర్శకుడు సెల్వరాఘవన్.. హీరో శింబుతో కలిసి ఓ మూవీ తెరకెక్కించేందుకు సన్నాహాలు చేస్తున్నాడు. ఇప్పటికే ఆ మూవీకి సంబంధించి ప్రీ ప్రొడక్షన్ పనులు కూడా ప్రారంభమయ్యాయి. సరికొత్త కథ తరహాలో రూపొందనున్న ఈ చిత్రంలో శింబు సరసన ఇద్దరు హీరోయిన్లను తీసుకుంటున్నట్లు తెలుస్తోంది. ఈ నేపథ్యంలో ఓ కథానాయికగా తాప్సీని తీసుకున్నారు. మరో నటికోసం త్రిషని సంప్రదించగా.. ఆమె వెంటనే ఓకే చెప్పిందని యూనిట్ వర్గాలు తెలుపుతున్నాయి. ఇతర తారాగణం సెట్ అయిన వెంటనే ఈ మూవీ సెట్స్ కి వెళ్లనుందని అంటున్నారు.

ఇదిలావుండగా.. గతంలో త్రిష, శింబు కలిసి ‘వెన్నై తాండి వరువాయ’ (‘ఏమాయ చేసావే’ తమిళ వెర్షన్) చిత్రంలో నటించిన విషయం తెలిసిందే! అప్పుడు ఈ జోడీకి మంచి పేరు వచ్చింది. అంతేకాదు.. శింబుని త్రిష తన మాయలో పడేసిందని, వారిమధ్య ప్రేమాయణం నడుస్తున్నట్లు ఆమధ్య పుకార్లు వచ్చాయి. అయితే అవన్నీ ట్రాష్ అంటూ వాళ్లిద్దరూ కొట్టిపాడేశారు.