నిర్మాతలతో కోట్లు ఖర్చు చేయిస్తున్న అఖిల్

Posted: 03/12/2015 04:25 PM IST

అక్కినేని ఫ్యామిలీ నవతరం వారసుడు అక్కినేని అఖిల్ హీరోగా వివి వినాయక్ దర్శకత్వంలో ఓ భారీ చిత్రం రూపొందుతున్న విషయం తెలిసిందే! ఈ సినిమా షూటింగ్ నేపథ్యంలోనే అఖిల్ నిర్మాతలతో కోట్ల రూపాయల్లో ఖర్చులు చేయిస్తున్నట్లు వార్తలొస్తున్నాయి. అయితే.. ఆ ఖర్చు తనకోసం కాదులెండి.. నిర్మాతలతో ఇతని ఎంట్రీ గ్రాండ్ గా వుండాలన్న ఉద్దేశంతో చాలా డబ్బులు వెచ్చిస్తున్నారని యూనిట్ వర్గాలు చెబుతున్నాయి.

ఈ సినిమాలో అఖిల్ పై వచ్చే ఇంట్రొడక్షన్ ఫైట్ ని ఫస్ట్ షెడ్యూల్ లో భాగంగా భారీ ఎత్తున షూట్ చేశారు. ఈ ఫైట్ కోసం సుమారు కోటి రూపాయలు దాకా ఖర్చు పెట్టారని యూనిట్ బృందం తెలుపుతోంది. తన తనయుడి మొదటి చిత్రం హిట్ అవ్వాలని నాగార్జున సూచించిన మేరకు ఈ చిత్ర నిర్మాత నితిన్ ఖర్చుకి ఎక్కడా వెనుకాడకుండా చాలా రిచ్ గా ఈ మూవీని నిర్మిస్తున్నట్లు చెబుతున్నారు. ఇక కమర్షియల్ డైరెక్టర్ గా పేరొందిన వివి వినాయక్ కూడా ఆ రేంజీలోనే భారీగా ఫైట్ ని షూట్ చేశాడట! ఆ సీన్ ప్రేక్షకుల మతిని పోగొట్టేలా వుంటుందని చిత్రబృందం తెలుపుతోంది.

ప్రస్తుతం ఈ సినిమా సెకండ్ షెడ్యూల్ హైదరాబాద్ లో జరుగుతోంది. ఇందులో అఖిల్ – హీరోయిన్ సయేశా సైగల్ లపై కొన్ని కీలక సన్నివేశాలను షూట్ చేస్తున్నారు. ఇక ఈ మూవీలో అఖిల్ కి పోటీ ఇచ్చే విలన్ గా మహేష్ మంజ్రేకర్ ని సెలెక్ట్ చేసారు. శ్రేష్ఠ్ మూవీస్ పతాకంపై యంగ్ హీరో నితిన్ నిర్మించనున్న ఈ సినిమాకి ఎస్ఎస్ తమన్ – అనూప్ రూబెన్స్ కలిసి సంగీతం అందిస్తున్నారు. వెలిగొండ శ్రీనివాస్ కథని అందించిన ఈ సినిమాకి కోన వెంకట్ డైలాగ్స్ అందిస్తున్నాడు.