శృతితో లిప్ లాక్ చేదంటున్న బాలీవుడ్ హీరో

Posted: 03/14/2015 01:22 PM IST

ప్రస్తుతం చిత్రపరిశ్రమలో ‘లిప్ లాక్’ ట్రెండ్ నడుస్తున్న విషయం తెలిసిందే! గతంలో ఈ ముద్దు సీన్లలో నటించేందుకు అంతగా సుముఖత చూపని సీనియర్ నటీనటుల నుంచి నేటి యువనటుల వరకు అందరూ ఇప్పుడు ఇందులో మునిగితేలుతున్నారు. ఈ ట్రెండ్ కు అనుగుణంగా చాలామంది హీరోలు తమ సినిమాల్లో కచ్చితంగా లిప్‌లాక్ సన్నివేశాలుండేలా ప్లాన్ చేసుకుంటున్నారు. కానీ.. ఓ బాలీవుడ్ హీరో జాన్ అబ్రహాం మాత్రం ఇందుకు భిన్నంగా తన నిర్ణయం ప్రకటించాడు. సెక్సీ నటి శృతితో ఓ లిప్ లాక్ సీన్ లో నటించేందుకు అతను తిరస్కరించాడని తాజా సమాచారం!

జాన్ అబ్రహాం, శృతిహాసన్ జంటగా ‘వెల్ కమ్ బ్యాక్’ అనే చిత్రం రూపొందుతోంది. రొమాంటిక్ కామెడీగా రానున్న ఈ మూవీని అనీస్ బాజ్మీ డైరెక్ట్ చేస్తున్నాడు. ప్రస్తుతం ట్రెండ్ కి అనుగుణంగా ఈ డైరెక్టర్ యూత్ ని ఎట్రాక్ట్ చేయడానికి శృతి - జాన్‌ల మధ్య ఓ లిప్‌లాక్ సన్నివేశాన్ని డిజైన్ చేశాడు. అయితే.. ఆ సీన్‌లో తాను నటించనని జాన్ తేల్చి చెప్పేశాడట! దీంతో డైరెక్టర్ తోపాటు యూనిట్ సభ్యులంతా ఒక్కసారిగా షాక్ అయ్యారు. తన గత సినిమాల్లో హీరోయిన్ల మీదపడి మరీ లిప్‌లాక్‌లు చేసిన ఈ నటుడు.. ఇప్పుడు ఈ తాజా సినిమాలో శృతితో చేయాల్సిన ముద్దు సీన్ ని ఎందుకు రిజక్ట్ చేశాడంటూ అందరూ చర్చించుకుంటున్నారు. అయితే.. ఆ హీరో లిప్ లాక్ సీన్ ని తిరస్కరించం వెనుక ఓ బలమైన కారణం వుంది.

అదేమిటంటే.. ప్రియ రన్‌చల్ అనే అమ్మాయిని జాన్ త్వరలో పెళ్ళి చేసుకోబోతున్నాడు. సినిమాల పట్ల అంతగా ఇష్టంలేని ప్రియ, మ్యారేజ్ చేసుకున్న తరువాత ఏ హీరోయిన్‌తోనూ లిప్‌లాక్ సీన్‌లో నటించకూడదని జాన్ కి కండిషన్ పెట్టిందట. తన కాబోయే భార్య పెట్టిన ఆ కండీషన్ మేరకే ఈ హీరో లిప్ లాక్ కి దూరంగా వున్నాడని ఇండస్ట్రీలో ప్రచారం సాగుతోంది.