ఎన్టీఆర్ పుట్టినరోజున రవితేజ కిక్2 విడుదల

Posted: 02/23/2015 01:15 PM IST

‘పవర్’ సినిమా తర్వాత మాస్ మహారాజ రవితేజ హీరోగా నటించిన ‘కిక్’ సినిమాకు సీక్వెల్ గా ‘కిక్2’ రూపొందుతున్న విషయం తెలిసిందే. దర్శకుడు సురేందర్ రెడ్డి దర్శకత్వంలో తెరకెక్కుతున్న ఈ చిత్ర షూటింగ్ శరవేగంగా జరుగుతోంది. నందమూరితారకరామారావు ఆర్ట్స్ బ్యానర్లో నందమూరి కళ్యాణ్ రామ్ నిర్మిస్తున్న ఈ సినిమాకు వక్కంతం వంశీ మాటలు రాస్తున్నాడు.

రకూల్ ప్రీత్ సింగ్ హీరోయిన్ గా నటిస్తుంది. అలాగే ప్రముఖ బాలీవుడ్ కమెడియన్ రాజ్పాల్ ఇందులో నటిస్తున్నారు. షూటింగ్ మొత్తం పూర్తవ్వకముందే ఈ చిత్ర విడుదల తేదిని ఖరారు చేసినట్లుగా తెలిసింది. ఈ చిత్రాన్ని దివంగత నటుడు, స్వర్గీయ నందమూరి తారకరామారావు జన్మదినమైన వచ్చే మే 28న విడుదల చేయడానికి సన్నాహాలు చేస్తున్నారు.

ఇటీవలే విడుదలైన ‘కిక్2’ ఫస్ట్ లుక్ ట్రైలర్ కు మంచి స్పందన వస్తోంది. ఏప్రిల్ లో ఆడియో విడుదల చేసి, మే 28న సినిమా ప్రపంచ వ్యాప్తంగా విడుదల చేయనున్నారు. ఈ సినిమా ‘కిక్’ సినిమా కంటే భారీ ఘనవిజయం సాధిస్తుందనే నమ్మకంతో వున్నారు చిత్ర యూనిట్. త్వరలోనే అన్ని వివరాలు అధికారికంగా ప్రకటించనున్నారు.