మరోసారి ‘రోబో’తో జతకట్టనున్న విశ్వసుందరి..

Posted: 02/21/2015 03:19 PM IST

Aishwarya rai robo sequel director shankar rajinikanth aamir khan kollywood gossips

మాజీ విశ్వసుందరి ఐశ్వర్యరాయ్ కి పెళ్లయినా తర్వాత కూడా ఏమాత్రం క్రేజ్ తగ్గలేదు. ఆమె పెళ్లైనా కొత్తలోనే వరుసగా నాలుగు సినిమాలు చేసింది. అనంతరం ప్రెగ్నెన్సీ కారణంగా ఇండస్ట్రీకి దూరమయ్యింది. తర్వాత పాప పుట్టడం, అప్పుడే ఏడాది గడిచిపోవడంతో... ఐశ్వర్య మళ్లీ తన సెకండ్ ఇన్నింగ్స్ మొదలుపెట్టేసింది. ఇప్పటికే ‘జజ్బా’ అనే చిత్రం షూటింగ్ లో ఫుల్ బిజీగా వున్న ఈమె.. ‘రోబో’ సీక్వెల్ లో నటించేందుకు సుముఖత చూపుతోందని వార్తలొస్తున్నాయి.

సూపర్ స్టార్ రజినీకాంత్, మాజీ విశ్వసుందరి ఐశ్వర్యరాయ్ జంటగా శంకర్ దర్శకత్వంలో తెరకెక్కిన ‘రోబో’ చిత్రం.. అప్పట్లో ఎన్ని సంచలనాలు సృష్టించిందో అందరికీ తెలిసిందే! దేశంలో అత్యధిక బడ్జెట్ తో నిర్మితమైన మొదటి చిత్రంగా పేరుపొందడంతోపాటు దాదాపు రూ.250 కోట్ల మేర వసూళ్లను రాబట్టిన మొదటి దక్షిణాది చిత్రంగా అది చరిత్ర సృష్టించింది. దీంతో ఈ చిత్రానికి సీక్వెల్ తీయాలని శంకర్ భావించాడు కానీ.. అందుకు అయ్యే ఖర్చుకు భరించే ప్రొడ్యూసర్ దొరక్క డ్రాప్ అయ్యాడు.

అయితే.. ఇతను రూపొందించిన విజువల్ వండర్ ‘ఐ’ చిత్రం భారీగా ఫ్లాప్ కావడంతో ‘రోబో’ సీక్వెల్ తీయాలని పూనుకున్నాడు. ఇక ‘కొచ్చాడయాన్’, ‘లింగ’ చిత్రాలతో పరాజయాలు చవిచూసిన రజనీ కూడా శంకర్ తో మరోసారి పనిచేసేందుకు సుముఖత వ్యక్తం చేస్తున్నారు. ప్రస్తుతం ఈ మూవీకి సంబంధించిన చర్చలు కొనసాగుతున్నాయని సమాచారం! ఇందులో అమీర్ ఖాన్ కూడా నటించే అవకాశాలున్నాయని ఇటీవలే వార్తలు జోరుగా సాగుతున్న విషయం విదితమే!

ఈ నేపథ్యంలో ఇందులోనూ కథానాయికగా ఐశ్వర్యరాయ్ వుంటే బాగుంటుందన్న ఉద్దేశంతో దర్శకుడు శంకర్ ఆమెను సంప్రదించాడట! ప్రస్తుతం ఈ విషయంపై వీరిమధ్య చర్చలు కూడా జరుగుతున్నాయట! ఈ చిత్రంలో నటించేందుకు ఆమె కూడా ఆసక్తి చూపుతోందని సమాచారం! ఒకవేళ ఐష్ ఓకే అంటే.. ఈ చిత్రానికి మరింత క్రేజ్ వస్తుందని భావిస్తున్నారు. మరి.. ఐష్ ఓకే అంటుందా..? లేదా..? అన్నది వేచి చూడాల్సిందే!