మెలికలు తిరుగుతున్న ఝలక్ మధురిమ!

Posted: 02/06/2015 06:21 PM IST

‘ఆ ఒక్కడు’ మూవీతో తెలుగుతెరపై తళుక్కుమన్న మధురిమ.. ఆ తర్వాత చాలా సినిమాల్లో నటించినప్పటికీ ఈమెకు అంతగా ఇమేజ్ దక్కలేదు. దీంతో అరకొరగా లభిస్తున్న పాత్రలను మాత్రమే చేసుకుంటూ తన కెరీర్’నే కొనసాగిస్తోంది. అయితే.. ఈ నేపథ్యంలోనే ఈ అమ్మడికి ఓ భారీ మూవీలో ఆఫర్ దక్కింది. ఆ అవకాశం దక్కిన కొన్నాళ్లకే మరో మూవీలో అవకాశం లభించింది. దాంతో ఈ భామ ఇప్పుడు మెలికలు తిరిగిపోతోందని సమాచారం!

ప్రస్తుతం ఈ అమ్మడు ఎన్టీఆర్ సరసన ‘టెంపర్’ మూవీలో నటిస్తోంది. ఈ ఆఫర్ పుణ్యమా అని ఈ అమ్మడు మరో మూవీలోనూ ఓ ఐటమ్ సాంగ్’లో నృత్యించే మరో అవకాశం లభించింది. నాగచైతన్య హీరోగా సుధీర్ వర్మ దర్శకత్వంలో రూపొందుతున్న తాజా చిత్రంలోనే ఈ అమ్మడు చిందేయనుంది. ముందుగా ఈ పాటకోసం యూనిట్ బృందం కొంతమంది హీరోయిన్లను అప్రోచ్ అయ్యారు. అయితే.. వారంతా తిరస్కరించడంతో చివరికి మధురిమ దగ్గరకు వెళ్లారు. దాంతో వచ్చిన అవకాశాన్ని చేజార్చుకోకూడదని భావించిన ఆమె.. వెంటనే గ్రీన్ సిగ్నల్ ఇచ్చేసింది.

మూవీలో ఓ కీలక సన్నివేశానికి ముందుగా ఈ ఐటెం సాంగ్ వుంటుందట! ప్రస్తుతం షూటింగ్ శరవేగంగా జరుపుకుంటున్న ఈ మూవీ బృందం.. త్వరలోనే ఆ ఐటం సాంగ్’ను సెట్స్’పైకి తీసుకెళ్లేందుకు ఏర్పాట్లు చేస్తున్నారని తెలిసింది. అయితే.. మధురిమ అంగీకరించినట్లుగా ఇంకా అధికారిక వార్త వెలువడాల్సి వుంది. ఇదిలావుండగా.. ఈ మూవీకి ‘దోచేయ్’ అనే టైటిల్’ను ఖరారు చేయనున్నట్లు ఇండస్ట్రీ వర్గాల నుంచి వార్తలొస్తున్నాయి.

AS