శ్రీమంతుడు మహేష్ జమీందార్ అవుతాడా?

Posted: 02/04/2015 01:19 PM IST

Mahesh koratala siva movie title zamindar

మహేష్ హీరోగా కొరటాల శివ దర్శకత్వంలో ఓ చిత్రం తెరకెక్కుతున్న విషయం తెలిసిందే. ప్రస్తుతం ఈ చిత్ర షూటింగ్ శరవేగంగా జరుగుతుంది. శృతిహాసన్ హీరోయిన్ గా నటిస్తున్న ఈ చిత్రంలో జగపతిబాబు, రాజేంద్రప్రసాద్ లు కీలక పాత్రలలో నటిస్తున్నారు. ఫ్యామిలీ, యాక్షన్ ఎంటర్ టైనర్ గా రూపొందుతున్న ఈ సినిమాకు దేవిశ్రీప్రసాద్ సంగీతం అందిస్తున్నాడు.

వచ్చే ఏడాది మే 1వ తేదిన ఈ చిత్రాన్ని ప్రపంచ వ్యాప్తంగా విడుదల చేయడానికి ఈ చిత్ర నిర్మాతలు నిర్ణయించినట్లుగా తెలిసింది. మైత్రీ మూవీస్ సంస్థ ఈ చిత్రాన్ని నిర్మిస్తున్నారు. ఈ చిత్రానికి ‘పరాక్రమ’, ‘మగాడు’, ‘మా అక్క బంగారం’ అనే టైటిల్స్ అనుకుంటున్నట్లుగా గతంలో వార్తలొచ్చాయి. కానీ ఆ టైటిల్స్ ఏవి కాదని దర్శకుడు కొట్టిపారేసారు.

మొన్నటి వరకు ‘శ్రీమంతుడు’ అనే టైటిల్ పెట్టనున్నట్లుగా ప్రచారం జరిగింది. కానీ మళ్లీ కొత్త టైటిల్ పేరు వినిపిస్తోంది. ‘శ్రీమంతుడు’ అనే టైటిల్ కాస్త పాతదానివలే వుందని చిత్ర యూనిట్ భావిస్తున్నారట. ‘జమీందార్’ అనే టైటిల్ పెట్టడానికి చిత్ర యూనిట్ సన్నాహాలు చేస్తున్నారని తెలిసింది. కానీ ఇటీవలే ఈ చిత్ర యూనిట్ ‘శ్రీమంతుడు’ అనే టైటిల్ రిజిస్టర్ చేయించారని సమాచారం. మరి ఇందులో ఏ టైటిల్ ఫైనలైజ్ చేయనున్నారో చూడాలి.

ఈ చిత్రం తర్వాత పూరీ జగన్నాథ్ దర్శకత్వంలో మహేష్ ఓ సినిమా చేయనున్నాడు. అలాగే శ్రీకాంత్ అడ్డాల దర్శకత్వంలో రూపొందనున్న ‘బ్రహ్మోత్సవం’ చిత్రంలో కూడా మహేష్ నటించనున్నాడు. ఈ రెండు చిత్రాలకు సంబంధించిన మరిన్ని వివరాలు త్వరలోనే తెలియనున్నాయి.