రాసిపెట్టి ఉంటే ఎప్పటికైనా రాక తప్పదు

Posted: 12/08/2014 11:49 AM IST

Sundara pandyan telugu remake with raviteja

మనకంటూ రాసి పెట్టి ఉంటే ఎప్పటికైనా అది మన దరికే చేరుతుందని పెద్దలు అంటుంటారు. చాలా విషయాల్లో ఇది జరుగుతుంది. తాజాగా మాస్ మహారాజా విషయంలోనూ ఇదే జరిగింది. గతంలో రవి దగ్గరకు వచ్చిన ఓ సినిమా ఆఫర్ మరొ హీరో దగ్గరకు వెళ్లింది. మళ్ళి అటు తిరిగి ఇటు తిరిగి రవి బెస్ట్ చాయిస్ అంటూ వచ్చి వెయిట్ చేస్తోంది. తమిళంలో రెండు సంవత్సరాల క్రితం వచ్చిన‘సుందర్ పాండియన్’ సినిమా హక్కులను భీమినేని శ్రీనివాసరావు తీసుకున్నారు.

ఈ మూవీలో నటించాలంటూ రవితేజను భీమినేని సంప్రదించగా..., వర్కవుట్ కాలేదు. సరేలే అనుకుని సునీల్ దగ్గరకు వెళ్ళారు. అక్కడ కూడా పని కాలేదు. ఆ తర్వాత పలువురు హీరోలను పరిశీలించారు. కానీ రవికంటే ఎవరూ బాగా చేయలేరని.., తిరిగి ఆయన వద్దకే కధ తీసుకుని మరోసారి వెళ్ళారట. తాజా అప్ డేట్ ప్రకారం.., రవి తేజ లిస్ట్ లో ఉన్న ఈ సినిమా ఆయన ఓకే చెప్తే ఫైనలైజ్ అవుతుందని అంటున్నారు. మాస్ మహారాజా ఒప్పుకుంటాడా లేక మళ్ళీ బయటకు పంపిస్తాడా అనేది తెలియాల్సి ఉంది.

ప్రస్తుతం టాలీవుడ్ లో ఉన్న బిజీ హీరోల్లో రవితేజ ఒకరు. వరుసగా సినిమాలు చేయటమే కాకుండా.., భవిష్యత్తులో కూడా రెండు ప్రాజెక్టులు చేతుల్లో ఉంచుకుని మరో ఏడాది వరకు బిజీగా షెడ్యూల్ ప్లాన్ చేసుకున్నాడు. ప్రస్తుతం ‘కిక్2’లో నటిస్తున్న రవితేజ ఈ మూవీ తర్వాత సంపత్ నంది చెప్పిన ‘బెంగాల్ టైగర్’లో నటించనున్నారు. ఆ తర్వాత ‘స్పెషల్ 26’కూడా రవి కోసం వెయిట్ చేస్తోంది. ఈ లోపు ఆఫర్లు ఇస్తున్న సినిమాలు కూడా ఖరారు అయ్యే అవకాశముంది.

కార్తిక్