ఎన్టీఆర్ రుణం తీర్చావు.. మరి పూరీది....?

Posted: 12/11/2014 10:39 AM IST

సినిమా ఇండస్ర్టీలో హీరోయిన్లు ఎలా ఉండాలో సమంతను చూసే నేర్చుకోవాలి. హీరోలపై కామెంట్లు చేయాలన్నా.., డైరెక్టర్లను అమాంతం ఎత్తేయాలన్నా చెన్నై భామ తర్వాతే ఎవరైనా. ఒక సినిమా చేస్తుందంటే.., ప్రాజెక్టులోని హీరో, డైరెక్టర్ ను మునగచెట్టు ఎక్కిస్తుంది. ఇప్పుడీ పద్దతిని టాలీవుడ్ లేటెస్ట్ ఐటం బాంబ్ నోరా ఫతేహి కూడా వంటబట్టించుకున్నట్లుంది. టాలీవుడ్ లో తొలి సినిమా చేసిన ఈ అమ్మడు ఆగలేక ఎన్టీఆర్ ను ఎత్తేస్తోంది. తారక్ గ్రేట్ అంటూ కలవరిస్తోందట. ఆయనతో చేసింది ఐదు నిమిషాలే అయినా.., అందులోనే ఎంతో తెలుసుకున్నాను అని మెలికలు తిరిగిపోతుంది.

నందమూరి హీరో గురించి మాట్లాడిన బాలీవుడ్ భామ.., ఎన్టీఆర్ తో డాన్స్ చాలా బాగా ఎంజాయ్ చేశానని చెప్తోంది. డాన్స్ ను కలగా భావించి అద్భుతంగా చేస్తాడని మెచ్చుకుంది. తను చూసిన వారిలో ఇండస్ర్టీలోని బెస్ట్ డాన్సర్లలో ఎన్టీఆర్ ఒకరు అని చెప్తోంది. ఇక తారక్ ఎనర్జీ గురించి అయితే చెప్పకుండా ఉండలేనంటోంది. షూటింగ్ లో ఉన్నంత సేపు ఫుల్ ఎనర్జీతో కన్పిస్తాడని చెప్తోంది. హీరోను పొగడటం బాగుంది కానీ.., ఇండస్ట్రీకి పరిచయం చేసిన పూరీ సార్ ను మాత్రం పట్టించుకోవటం లేదు అని గుసగుసలు విన్పిస్తున్నాయి. గతంలో ఎన్టీఆర్ నోరాను పొగిడితే..., ఇప్పుడీ అమ్మడు తిరిగి పొగుడుతోంది. అయితే కష్టపడి టాలీవుడ్ కు పట్టుకొచ్చిన పూరి పరిస్థితి ఏమిటి అని, ఆయన రుణం ఎలా తీరుస్తుంది అని టాలీవుడ్ ప్రముఖులు అనుకుంటున్నారు.

బాలీవుడ్ లో ‘రోర్’తో సినిమాల్లోకి వచ్చిన నోరా ఫతేహిని.., ‘టెంపర్’ సినిమాతో పూరి జగన్నాథ్ తెలుగు ఇండస్ర్టీకి పరిచయం చేశాడు. ‘టెంపర్’లో ఈ అమ్మడు ఎన్టీఆర్ తో కలిసి ఐటం సాంగ్ చేసింది. ప్రస్తుతం తెలుగులో సినిమాలు ఇంకా కన్ఫర్మ్ కాకపోయినా.., కొన్ని ఆఫర్లు మాత్రం వచ్చినట్లు సన్నిహితులు చెప్తున్నారు. ఇక సంక్రాంతి కోసం వేగంగా సిద్దమవుతున్న ‘టెంపర్’ సినిమా అనుకున్న సమయంలో విడుదల కాకపోవచ్చు అని టాక్ విన్పిస్తోంది. షూటింగ్ పూర్తి కాకపోవటంతో పాటు.., ఇతర కారణాలు కూడా సినిమా విడుదలకు అడ్డుగా ఉన్నాయని సమాచారం.

కార్తిక్