చింత చచ్చినా పులుపు చావలేదు

Posted: 12/02/2014 11:27 AM IST

ఒకప్పుడు హాట్ హీరోయిన్లు ప్రస్తుతం చాలావరకు తెరకు దూరం కాగా కొందరు ఇప్పటికీ ఫ్యాన్స్ ను అలరిస్తున్నారు. వయసు మీద పడుతున్నా.., కొత్త వయ్యారాలు పోతూ క్రేజ్ కొనసాగిస్తున్నారు. క్రేజ్ ను ఇన్వెస్ట్ మెంట్ గా పెట్టి.., భారీ రెమ్యునరేషన్లు వసూలు చేస్తున్నారు. ఈ ట్రిక్ ను తూ.చ. తప్పకుండా ఫాలో అవుతున్న రమ్యకృష్ణ అనుకున్నది సాధించిందని టాక్ విన్పిస్తోంది. తమిళంలో తెరకెక్కే ‘అంబాలా’ సినిమాలో రమ్య నటిస్తున్న విషయం తెలిసిందే. ఈ మూవీ కోసం రెమ్యునరేషన్ గా రూ.90లక్షలు తీసుకుంటోందట.

ఒక్కో కాల్షీటుకు రూ.3లక్షల లెక్కన 30 కాల్షీట్లను సినిమాకు కేటాయించిందట. ఈ విషయం తెలిసిన కోలీవుడ్ వర్గాలు షాక్ అవుతున్నాయి. ‘అంబాలా’ సినిమాలో హీరోయిన్ గా నటిస్తున్న హన్సికకే ఇంకా సరిగా కోటి రూపాయలు ఇచ్చినట్లు టాక్ లేదు. అలాంటిది తల్లి క్యారెక్టర్ కు ఇంత ముట్టజెప్పటం అవసరమా అనుకుంటున్నారు. అయితే నిర్మాతలు కుష్భూ, విశాల్ గట్టిగా ఉండటంతో అడిగినంత కట్టబెట్టేందుకు ఓకే చెప్పారట. తల్లికి, పిల్లకు ఒకే రేటు కట్టిన నిర్మాతలు ఇద్దర్నీ ఎలా వాడుకుంటారో అని కోలీవుడ్ లో గుసగుసలు విన్పిస్తున్నాయి. ‘యముడికి మెగుడు’ సినిమాలో అత్తగా నటించిన రమ్యకృష్ణ అల్లరి నరేష్ తో కలిసి ఓ స్పెషల్ సాంగ్ కు చిందేసింది. ఇలాంటిదే ఈ మూవీలో ఉంటుందట.

విశాల్ కు తమిళంతో పాటు తెలుగులోనూ క్రేజ్ ఉండటంతో ఇక్కడ కూడా సినిమాను విడుదల చేసేలా ప్లాన్ చేస్తున్నారు. ఈ సినిమాతో పాటు పీరియాడికల్ మూవీ ‘బాహుబలి’లో రాజమాతగా రమ్యకృష్ణ నటిస్తోంది. పెళ్లి తర్వాత కాస్త గ్యాప్ తీసుకుని సెకండ్ ఇన్నింగ్స్ మొదలు పెట్టిన రమ్యకృష్ణకు వరుసగా ఆఫర్లు వస్తూనే ఉన్నాయి. ఇండస్ర్టీకి వచ్చి ఇన్నేళ్ళయినా ఇప్పటికీ డిమాండ్ ఉన్న నటిగా క్రేజ్ అలా కొనసాగుతోంది. అదృష్టం ఇలా పట్టుకుని ఉంటే ఎవరు కాదనగలరు.

కార్తిక్