బుంగమూతి భామకు బుద్ధొచ్చినట్లుంది..!

Posted: 12/01/2014 07:12 PM IST

కోపం వచ్చినప్పుడల్లా బుంగమూతి పెట్టుకుని సైడయిపోయే గ్లామర్ డాల్ సమంతకు బుద్ది వచ్చినట్లు కనిపిస్తోంది. అందుకే.. ఈసారి కాస్త వినయంగా ప్రవర్తించి మంచి మార్కులే కొట్టేసింది. ట్విటర్’లో అప్పుడప్పుడు వివాదాస్పద కామెంట్లు చేసి టాక్ ఆఫ్ ది టౌన్’గా నిలిచిపోయే ఈ సెక్సీ భామ.. ఆ సోషల్ మీడియానే వేదికగా తీసుకుని ‘సారీ’ చెప్పింది. దీంతో ఈమెపై ఇంతవరకు ఆగ్రహంగా వున్న అభిమానులు ఒక్కసారిగా చల్లారినట్లు తెలుస్తోంది.

అసలు విషయం ఏమిటంటే.. ఆదివారం (30-11-2014) నాడు జరిగిన ‘మేము సైతం’ కార్యక్రమంలో ఈ చెన్నై ముద్దుగుమ్మ మొదట్లో బాగానే సందడి చేసింది. మహేష్ బాబు, త్రివిక్రమ్ శ్రీనివాస్ లతో కలసి స్కిట్ చేసి, తన చిలిపితనాన్ని బయటపెట్టేసుకుంది. ఇందులో భాగంగానే ఆ అమ్మడు ఇద్దర్నీ తమాషా ప్రశ్నలు అడుగుతూ కొన్ని మంచి జవాబులను రాబట్టి అందరినీ ఆకట్టుకుంది. ఆ మొత్తం కార్యక్రమంలో వీళ్ల స్కిట్ హైలైట్’గా నిలిచిపోయింది. ఆ దెబ్బతో సమంతపై మరింత అభిమానం పెరిగింది. కానీ సమంత ఆ అభిమానాన్ని ఎక్కువసేపు నిలబెట్టుకోలేకపోయింది.

నిజానికి ఆ కార్యక్రమం తర్వాత సమంత క్రికెట్ మ్యాచ్ లో కూడా ఆడాల్సివుంది. అయితే వారిద్దరితో స్కిట్ చేసిన అనంతరం ఈ అమ్మడు మరెక్కడా కనిపించకుండా పోయింది. క్రికెట్ మ్యాచ్ సమయానికి చేరుకుంటుందని అందరూ ఆశగా ఎదురుచూశారుగానీ.. అప్పుడు కూడా రాలేదు. దీంతో అభిమానులతోపాటు సినీతారలు కూడా కాస్త నిరాశకు గురయ్యారు. ఆ విషయాన్ని గ్రహించిన అమ్మడు.. తాను హాజరుకానందుకు ట్విటర్’లో జవాబిచ్చింది. చెన్నైలో వేరే అటెండ్ కావాల్సిన పని ఉన్నందువల్ల వెళ్లిపోవాల్సివచ్చిందనీ తాను ఆ షోనుంచి వెళ్లిపోవాల్సి వచ్చిందని.. అందుకే క్రికెట్ మ్యాచ్’లో ఆడలేకపోయానని తెలిపింది. తాను హాజరుకానందుకు ‘సారీ’ అని పోస్ట్ చేసింది.

AS