దొరక్కుండా మళ్లీ ఏం మాయ చేస్తున్నాడు

Posted: 11/11/2014 04:46 PM IST

అక్కినేని లవర్ బాయ్ నాగ చైతన్య కొత్త సినిమా గురించి ఓ కొత్త వార్త తెలిసింది. ప్రస్తుతం తెరకెక్కతున్న ఈ సినిమాకు ‘మాయగాడు’ అనే టైటిల్ పెట్టినట్లు ఫిలింనగర్ వర్గాల సమాచారం. అయితే మరికొందరు మాత్రం ‘దొరకడు’ అనే టైటిల్ పెట్టారని అంటున్నారు. ఈ రెండింటిలో ఏదో ఒక టైటిల్ పక్కా అని అంటున్నారు. మరి ఏది ేర

అక్కినేని నాగచైతన్య ప్రస్తుతం శ్రీ వెంకటేశ్వర సినీ చిత్ర బ్యానర్ పై ప్రముఖ నిర్మాత బి.వి.యస్.ఎన్.ప్రసాద్ నిర్మాణంలో ‘స్వామి రారా’ ఫేమ్ సుధీర్ వర్మ దర్శకత్వంలో సినిమా సెట్స్ పై ఉంది. ఈ సినిమాకి ‘మాయగాడు’ అనే టైటిల్ పెట్టారనే వార్తలు ఫిలిమ్ నగర్ లో వినిపించాయి. తాజాగా ‘దొరకడు’ అనే టైటిల్ పరిశీలనలో ఉందని సమాచారం.  ఇందులో చైతు ఏ పాత్ర చేస్తున్నాడో అని అభిమానులు ఆసక్తిగా ఎదురు చూస్తున్నారు.

మరి కొందరేమో ఇందులో చైతు దొంగ పాత్ర చేస్తున్నాడని అంటున్నారు. ‘నేనొక్కడినే’ ఫేమ్ కృతిసనన్ హీరోయిన్ గా నటిస్తుంది.  తాజా సమాచారం ప్రకారం ఈ సినిమా చిత్రీకరణ చివరి దశకు చేరుకుందట. నిర్మాణాంతర కార్యక్రమాలను వీలైనంత త్వరగా పూర్తి చేసి సినిమా విడుదల చేయాలని చిత్రయూనిట్ సన్నాహాలు చేస్తుంది.

కార్తిక్