అవకాశం వస్తే పాలు పిండుకుంటుందట

Posted: 11/05/2014 04:00 PM IST

బిజీ హీరోయిన్ సమంతపై ఈ మద్య రూమర్లు ఎక్కువయ్యాయి. పెళ్లి చేసుకుంటుందనీ.., ఇక సినిమాలు ఆపేస్తుందని అంతేకాకుండా త్వరలో కమర్షియల్ నిర్మాత అవతారం ఎత్తుతుందని గుసగుసలు వచ్చాయి. దీనిపై చెన్నై చిన్నది బాగానే సమాధానాలు చెప్పింది. ఇక తాజాగా మరో రూమర్ తెగ ప్రచారంలో ఉంది. అదేమంటే.., బాలీవుడ్ మూవీ ‘క్వీన్’ రీమేక్ ను ఈ అమ్మడు తీసుకుందని ఫిలింనగర్ లో టాక్ వచ్చింది. అయితే అదేంలేదు అని సమంత వివరణ ఇచ్చింది. అంతేకాదు తాను ఇఫ్పటివరకు మీడియాలో ఇలాంటి కామెడి రూమర్లు వినలేదు బాబోయ్ అని నవ్వుకుంటోంది.

‘క్వీన్’ సినిమా తాను నిర్మించనని... ముందుగా చెప్పిన ప్రకారం కొద్దికాలం తర్వాత ప్రొడ్యూసర్ అవతారం ఎత్తుతా అని సెలవిచ్చింది. ఇక ఏ హీరోయిన్ తో ముందుగా చేస్తారు... లేదా ఎవరితో చేయటానికి ఇష్టపడతారు అని అడిగితే.., ఛాన్స్ వస్తే మిల్కీబ్యూటీ తమన్నాతో సినిమా చేస్తానని చెప్పింది. అయితే  ఈ సమాధానంలో వెటకారం ఉందండి. ఇక ‘అల్లుడు శ్రీను’ సినిమాతో వీరిద్దరి ఆన్ స్ర్కీన్ బంధం బలపడింది. ఈమూవీలో సమంత హీరోయిన్ కాగా.., తమన్నా ఐటం సాంగ్ చేసింది. అలా మొదలైన వీరి స్నేహం ఎంతకాలం కొనసాగుతుందో కాలమే నిర్ణయిస్తుంది.

ఇక తమన్నాను ఎంచుకోవటానికి ముఖ్యకారణం ఏమిటంటే., ఆ మద్య ఓ కార్యక్రమంలో తమన్నా ప్రాక్టికల్ అని ప్రతి విషయాన్ని ఆవేశంతో కాకుండా వాస్తవిక కోణంలో చూస్తుందని పొగిడేసింది. అందుకే విలువ తెలిసిన వ్యక్తితో అయితే సినిమా చేస్తే మంచి రిజల్ట్ వస్తుందని సమంత భావిస్తోంది. అంతా బాగానే ఉంది కానీ.. సము ఎప్పుడు ప్రొడ్యూసరమ్మ అవుతుందో..., మిల్కీని ఎప్పుడు వాడుకుంటుందో అంతా సస్పెన్స్ గా ఉంది.

కార్తిక్