స్పెషల్ సినిమాకు రవి సై అంటాడా..?

Posted: 11/05/2014 01:48 PM IST

Raviteja to act in special chabbis movie remake in telugu

టాలీవుడ్ లో నిర్మాతలకు అభయప్రదాత లాంటి హీరో రవితేజ అని తెలుసు. ఆయనతో సినిమా తీస్తే ఎలాంటి టెన్షన్ లేకుండా ఉండొచ్చు అనేది చాలామంది ప్రొడ్యూసర్ల నమ్మకం. పాస్ గ్యారంటి ఇస్తూ వరుసగా సినిమాలు తీసుకుంటూ వెళ్తున్న మాస్ మహారాజాపై ఇప్పుడు టాలీవుడ్ తో పాటు కోలివుడ్ లో కూడా చర్చ జరుగుతోంది. అదేమంటే... బాలీవుడ్ లో సూపర్ హిట్ అయిన స్పెషల్ ఛబ్బీస్ సినిమాను తెలుగులో రీమేక్ చేస్తున్నారట. ఇందులో రవితేజ నటించే అవకాశం ఉందని అంతా చర్చించుకుంటున్నారు.

ఈ సినిమా సౌత్ లోని నాలుగు భాషల రీమేక్ హక్కులను త్యాగరాజన్ సొంతం చేసుకున్నారు. ఆయన సన్నిహితుల సమాచారం ప్రకారం.. స్వయంగా రాజన్ ఈ మూవీని తెలుగులో కూడా డైరెక్ట్ చేస్తారని తెలుస్తోంది. అయితే ఇది ఏమేరకు నిజమో చెప్పలేము. ఎందుకంటే గతంలో కంగనా హీరోయిన్ గా వచ్చిన క్వీన్ సినిమా రీమేక్ తీసుకుని ఇప్పటివరకు సినిమా చేయలేదు. కాబట్టి తాజా ప్రాజెక్టు వస్తుందా.., ఆలస్యం అవుతుందా అని ఊగిసలాట కొనసాగుతోంది. ఒకవేళ సినిమా వెంటనే రీమేక్ చేసే అవకాశం ఉంటే మాత్రం తెలుగులో రవితేజకు అయితే క్యారెక్టర్ సెట్ అవుతుంది అంటున్నారు. ప్రస్తుతం ‘కిక్2’ ఆ తర్వాత సంపత్ నంది సినిమా చేస్తున్న మాస్ మాహారాజు ఎప్పుడు డేట్లు ఇస్తాడో ఇంకా తెలియదు.

1987లో జరిగిన యదార్ధ సంఘటన ఆధారంగా ఈ సినిమాను తెరకెక్కించారు. సీబీఐ అధికారిని అని చెప్పి తన ముఠాతో కలిసి అందర్నీ మోసం చేస్తూ.., ఎలా డబ్బులు దోచుకుంటాడు.. వీరిని పట్టుకునేందుకు అసలైన సీబీఐ ఆఫీసర్ ఏ ప్లాన్లు వేస్తాడు. చివరకు దొంగల ముఠా దొరుకుతుందా...? లేదా అనేది కధ. బాలీవుడ్ లో సూపర్ కలెక్షన్లు వసూలు చేసిన స్పెషల్ 26 మూవీ టాలీవుడ్ లో కూడా కాసులు కురిపిస్తుందన్న త్యాగరాజన్ కలలు నిజమవుతాయా లేదా.. అనేది తెలియాలంటే కొంతకాలం వేచి చూడాల్సిందే.

కార్తిక్