పాపం! రకుల్ కి ఎంత కష్టమొచ్చిందో..?

Posted: 10/24/2014 08:16 PM IST

Rakul preet singh deepavali festivals family members delhi news

ప్రస్తుతం వరుస విజయాలతో మాంచి డిమాండ్ మీదున్న రకుల్ ప్రీత్ సింగ్ కు గతకొన్ని రోజుల నుంచి కష్టాలు వెంటాడుతున్నాయి. మొదటి సినిమా బాక్సాఫీస్ దగ్గర భారీ విజయం అందుకోవడంతో రాత్రికిరాత్రే స్టార్ హీరోయిన్ గా ఎదిగిపోయిన ఈ అమ్మడికి వరుసగా మూవీ ఆఫర్లు వస్తున్నాయి. దీంతో ఈ పంజాబీ ముద్దుగుమ్మ ఒక్కసారిగా తన రెమ్యునరేషన్ స్థాయిని పెంచేసింది. అయినా కూడా నిర్మాతలు ఏమాత్రం వెనుకాడకుండా ఎంత పారితోషికం ఇవ్వడానికైనా రెడీ అంటూ ఈమె వెంట పడుతున్నారు. ఇంత డిమాండ్ వున్న ఈ అమ్మడికి.. ఏదో ఒక బాధ కొన్నాళ్ల నుంచి వేధిస్తోందని పేర్కొంది. అయితే చాలారోజుల తర్వాత తాను ఆ సమస్యను పూరించుకోగలిగానని చివరికి క్లారిటీ ఇచ్చేసింది!

అసలు విషయం ఏమిటంటే... రకుల్ గత కొన్నాళ్ల నుంచి క్షణం తీరక లేకుండా షూటింగులు చేస్తూనే వుంది. కనీసం ఒక్కరోజు విరామం తీసుకోవడానికి కూడా వీలు కావడం లేదట ఈ అమ్మడికి! దాంతో ఈ అమ్మడు ఎక్కడికి వెళ్లకుండా కేవలం మూవీ షూటింగ్ లకే పరిమితం కావల్సి వచ్చింది. అయితే దీపావళి పండుగ సందర్భంగా మాత్రం ఈ అమ్మడం కావాలనే పట్టుబడి మరీ లీవ్ తీసుకుందట! చాలారోజుల తర్వాత తనకు ఆ లీవ్ రావడంతో దానిని అనవసరంగా వేస్ట్ చేయకుండా ఢిల్లీలో వున్న తన ఫ్యామిలీ మెంబర్స్ తో హ్యాపీగా ఎంజాయ్ చేశానంటోంది ఈ ముద్దుగుమ్మ! పైగా పండుగరోజు చాలా బాగా సందడి చేశానని తెలుపుతోంది.

ఈ విషయం గురించి ఈ అందాలతార మాట్లాడుతూ.. ‘‘గత మూడేళ్ల నుంచీ నేను దీపావళి పండుగల్లో ఎక్కడెక్కడో వుంటున్నాను. ఇంటిదగ్గరే వుండటానికి అస్సలు కుదరలేదు. అందుకే.. ఈసారి ఏదిఏమైనా ఇంటివద్దే దీపావళి పండుగ జరుపుకోవాలని నిర్ణయించుకునే షూటింగులకు బ్రేక్ తీసుకున్నాను. మా కుటుంబసభ్యులతో హ్యాపీగా ఆ రోజంతా గడిపాను. అందుకు నేను చాలా ఎగ్టైటింగ్ గా వున్నాను’’ అంటూ తెలిపింది. రకుల్ ఈ విషయం వెల్లడించిన అనంతరం ఈ వార్తను విన్న వారందరూ.. ‘‘పాపం! రకుల్ కి ఎంత కష్టమొచ్చిందో’’నంటూ చెప్పుకుంటున్నారు. ఏదేమైనా.. మొత్తానికి ఈ అమ్మడు చరిష్మా బాగానే వ్యాపించిందని సినీవిశ్లేషకులు అభిప్రాయపడుతున్నారు.