శృతిహాసన్ అంగీకరిస్తే.. సల్మాన్ స్పందించలేదు!

Posted: 10/09/2014 08:55 PM IST

Sruthi hassan accepts hrithik roshan challenge but salman khan not yet given responce

సినీపరిశ్రమలో వున్న తారలకు సంబంధించి ఈమధ్యకాలంలో వార్తలు, గాసిప్స్ చాలా ఎక్కువగా పెరిగిపోతున్నాయి. ఇక బాలీవుడ్ తారల విషయంలో అయితే ఇవి మరీ ఎక్కువగా వస్తుంటాయి. ఇక అసలు విషయానికొస్తే.. కమల్ హాసన్ కూతురు శృతిహాసన్ కు ఇటు సౌత్ ఇండస్ట్రీతోపాటు బాలీవుడ్ లోనూ మంచి క్రేజ్ వున్న సంగతి అందరికీ తెలిసిందే! ఇక ఈ అమ్మడికి సంబంధించిన వార్తల విషయానికొస్తే... ఇప్పటికే శృతి ప్రేమవ్యవహారాల మీద ఎన్నో వార్తలు, పుకార్లు షికార్లు చేశాయి. గతంలో హీరో సిద్ధార్థతో కలిసి కొన్నాళ్లపాటు సహజీవనం చేసిందని.. తర్వాత ఒక బిజినెస్ మేన్ తో సీక్రెట్ గా ఎఫైర్ నడుపుతున్నట్లు రకరకాల గాసిప్పులు బయటికొచ్చాయి. అయితే వాటన్నింటినీ ఈ అమ్మడు ఖండిస్తూ వచ్చింది. అయితే తాజాగా ఈ అమ్మడికి, బాలీవుడ్ కండలవీరుడు సంబంధించిన ఓ వార్త అన్నిచిత్రరంగాల్లో బాగానే చక్కర్లు కొడుతోంది. ఓ విషయంలో శృతిహాసన్ అంగీకరిస్తే... సల్మాన్ ఖాన్ మాత్రం ఇంతవరకు స్పందించడంలేదని వార్తలొస్తున్నాయి.

అసలు విషయం ఏమిటంటే... బాలీవుడ్ హీరో హృతిక్ రోషన్ తన తాజా చిత్రం ‘‘బ్యాంగ్ బ్యాంగ్’’ ప్రమోషన్ లో భాగంగా ఇతర హీరోలను సవాళ్లు విసురుకుంటూ వచ్చాడు. ఈ నేపథ్యంలోనే ఇతగాడు సెక్సీమణి శృతిహాసన్ కు కూడా ఒక ‘‘బ్యాంగ్ బ్యాంగ్’’ ఛాలెంజ్ చేశాడు. అదేమిటంటే.. ‘‘'మీరు మీ మతాన్ని అనుసరించండి, అలాగే అందర్నీ ప్రేమించండి’’ అంటూ ఓ ప్లకార్డు మీద సందేశం రాసి పట్టుకున్న ఓ వ్యక్తిని వెతికి పట్టుకుని.. అతనికి ఓ హగ్ ఇచ్చి.. అతను పట్టుకున్న ప్లకార్డును ఓ 30 సెకన్లపాటు పట్టుకుని నిలబడగలవా..?’’ అంటూ శృతికి ఛాలెంజ్ చేశాడు. హృతిక్ ఈ ఛాలెంజ్ ను ప్రకటించిన వెంటనే శృతి స్వీకరించింది. తాను చెప్పినట్లుగానే ఆ వ్యక్తిని వెతికి, అతనికో హగ్ ఇచ్చి, 30 సెకన్లపాటు ఆ ప్లకార్డును పట్టుకోగలనంటూ ఆమె వెంటనే అంగీకరించింది. దీంతో సంతోషించిన హృతిక్.. ఆకాశానికెత్తేశాడు. అసలైన రాక్ స్టార్ శృతియేనంటూ మనోడు ఆమె మీద ప్రశంసల వర్షాన్నే కురిపించేశాడు.

ఒకనాడు హృతిక్ రోషన్ ముంబై రోడ్డుపై ప్రయాణం చేస్తున్నప్పుడు ఒక వ్యక్తి తన చేతిలో ఆ ప్లకార్డును పట్టుకుని నిలబడినట్లు కనిపించాడట! అలా అతనికి ఆ వ్యక్తి చాలాసార్లే కనిపించాడట! దీంతో అతను చేస్తున్న ఆ ప్రచారానికి ముగ్ధుడైన హృతిక్.. అతని ఫోటోను తీసుకుని పెట్టుకున్నాడు. సదరు ఫోటోను శృతికి కూడా ఇతగాడు పంపించాడు. ఏ ప్రయోజనం ఆశించకుండానే ఉత్తమ ప్రపంచంకోసం అలా ప్లకార్లు పట్టుకుని కొన్ని గంటలపాటు ఆ వ్యక్తి రోడ్డుపైనే నిల్చున్నాడని హృతిక్ తెలిపాడు. దీంతో అతను ఆ వ్యక్తిని వెతికి పట్టుకోవాల్సిందిగా ఓ ఓపెన్ ‘‘బ్యాంగ్ బ్యాంగ్’’ ఛాలెంజ్ ను బాలీవుడ్ తారలకు విసిరాడు. ఈ ఛాలెంజ్ ను బాలీవుడ్ తారలు అమీర్ ఖాన్, రణ్వీర్ సింగ్, షారుక్ ఖాన్, ప్రియాంకా చోప్రా తదితరులు కూడా స్వీకరించారు. కానీ హృతిక్ కి మంచి స్నేహితుడని పేరున్న కండలవీరుడు సల్మాన్ మాత్రం ఆ ఛాలెంజ్ ను స్వీకరించలేదు. ‘‘బ్యాంగ్ బ్యాంగ్’’ సినిమా విడుదలకు ముందే ఒక సందేశాన్ని పెయింట్ చేయాలని హృతిక్ అప్పట్లో సవాలు చేశాడు. దానికి సల్లూభాయ్ నుంచి ఇంతవరకు స్పందనే రాలేదు.