నోరు తెరుచుకుని చూస్తారా మరి..?

Posted: 10/09/2014 03:23 PM IST

అందాల ఆరబోతకు అధిక ప్రాధాన్యం ఇస్తున్న టాలీవుడ్ కు మరో కొత్త అందం వచ్చింది. ఆమె పేరే నోరా ఫతేహి. తెలుగు ప్రేక్షకులు తనను ఆదరిస్తారు అని గంపెడు ఆశలతో టాలీవుడ్ కు వచ్చింది. యంగ్ టైగర్ ఎన్టీఆర్ తో కలిసి కొత్త సినిమాలో స్టెప్టులు కూడా వేసింది. తారక్ తాజా సినిమాలో ఈమెతో తీసిన స్పెషల్ సాంగ్ షూటింగ్ పూర్తయింది. సెట్ లో ఉన్నవారంతా నోరా అదరగొట్టింది. అందాలు పిచ్చెక్కించటం ఖాయం అని అంటున్నారు. సూపర్ స్టెప్పులతో పాటు, హీటెక్కించే లుక్కులు.., నోరు తెరుచుకుని చూసేంతలా ఉన్న అందాలు అని ఆమె గురించి చెప్పుకుంటూ పోతున్నారు.

తొలి స్పెషల్ సాంగ్ అయినా స్పెషల కేర్ తీసుకున్నట్లు తెలుస్తోంది. ఈ పాటతో ఫతేహి ప్రేక్షకులకు దగ్గరయితే.., ఆమె పంట పండినట్లే అని చెప్పాలి. ఎందుకంటే తొలి సినిమానే ఎన్టీఆర్ ఛాన్స్ కొట్టేసింది. ఇక ఇది హిట్ అయితే ఆమె కెరీర్ ఎక్కడకో వెళ్లిపోవటం ఖాయం. తెలుగు ప్రేక్షకులనే నమ్ముకుని వచ్చిన ఫతేహికి ప్రేక్షకులు పట్టం కడతారా లేక.., పంపించేస్తారా? అనేది సినిమా విడుదల అయితేనే తెలుస్తుంది. ఒకప్పటి ఐటం సాంగ్ లే కాస్త డిఫరెంట్ లుక్ తో స్పెషల్ సాంగ్ లుగా పేరు మారాయి కాని ఎక్స్ పోజింగ్ అనే కాన్సెప్ట్ మాత్రం మారలేదు.

‘రభస’ ఫ్లాప్ తర్వాత ఎన్టీఆర్ నటిస్తున్న సినిమా ఇదే. గత అనుభవాల నేపథ్యంలో కధల ఎంపికతో పాటు.., బడ్జెట్ విషయంలో నందమూరి జాగ్రత్తలు తీసుకుంటున్నాడు. మంచి కథ, తక్కువ బడ్జెట్ ఉండేలా చూస్తున్నాడు. ఇక పూరి తెరకెక్కిస్తున్న ఈ మూవీకి బండ్ల గణేష్ నిర్మాతగా వ్యవహరిస్తున్నాడు. కాజల్ అగర్వాల్ హీరోయిన్ గా నటిస్తోంది. ఇక మ్యూజిక్ డైరెక్టర్ ముందుగా దేవిశ్రీ అనుకున్నా తర్వాత కొన్ని కారణాలతో అనూప్ రూబెన్స్ కు అప్పగించారు. పోలిస్ క్యారెక్టర్ నేపథ్యంతో వస్తున్న ఈ కథ నందమూరి ఫ్యాన్స్ కు నచ్చుతుంది అని ఫిలింనగర్ ప్రముఖులు అంటున్నారు.

కార్తిక్