కొంపదీసి ఆ చాన్స్ కొట్టేసిందా

Posted: 09/07/2014 06:03 PM IST

వెంకటాద్రి ఎక్స్ ప్రెస్ సినిమాతో తెలుగులోకి దూసుకొచ్చిన రకుల్ ప్రీత్ సింగ్ బంపర్ ఆఫర్ కొట్టేసినట్లు వార్తలు వస్తున్నాయి. తొలి సినిమా మంచి హిట్ కావటంతో ఇక అమ్మడికి మంచి ఆఫర్లు వస్తున్నాయి. తాజాగా మాస్ మహారాజ సరసన నటించే  చాన్స్ కొట్టేసిందని వార్తలు వస్తున్నాయి. రవితేజ తదుపరి సినిమా కిక్ 2 లో నటించే అవకాశం వచ్చినట్లు తెలుస్తోంది. అయితే దీనిపై సినిమా వర్గాలు ఇంకా ప్రకటన చేయలేదు.

ప్రస్తుతం ఫిలింనగర్ సమాచారం ప్రకారం.., కిక్2లో రకుల్ ప్రీత్ సింగ్ హీరోయిన్ గా ఎంపికయినట్లు తెలుస్తోంది. ఒకవేళ చాన్స్ వస్తే మాత్రం రకుల్ కూడా స్టార్ హీరోయిన్ లిస్ట్ లో చేరినట్లే లెక్క. సురేందర్ రెడ్డి డైరెక్ట్ చేస్తున్న ఈ సినిమాకు వక్కంతం వంశీ మాటలు రాస్తున్నాడు. ఇక ప్రతిష్టాత్మకంగా నందమూరి హీరో కళ్యాణ్ రామ్ ఎన్టీఆర్ ఆర్ట్స్ బ్యానర్ పై కిక్ 2 వస్తోంది.

తెలుగులో కిక్ సినిమా సూపర్ హిట్ కావటంతో దీన్ని బాలివుడ్ లో కూడా రీమేక్ చేశారు. అక్కడ కూడా బంపర్ హిట్ సాధించింది. తాజాగా కిక్ 2 సినిమా తీస్తుండటంతో దీనిపై కూడా పంపిణీదారుల్లో ఆశలు పెరుగుతున్నాయి. ఈ సినిమా రవితేజ కెరీర్ లో ఓ మైల్ స్టోన్ గా నిలిచిపోనుంది.

 

కార్తిక్