కేసిఆర్ పేరును ఫిల్మ్ సిటికి పెట్టాలి: నటుడు కృష్ణ

Posted: 08/07/2014 02:58 PM IST

ప్రిన్స్ మహేష్ బాబు తండ్రి సూపర్ స్టార్ కృష్ణ స్వయంగా కొత్త కష్టాలు తెచ్చుకున్నారు. ఇప్పటి వరకు మహేష్ బాబు ఏ రాజకీయ పార్టీకి సపోర్టు చేయలేదు. కానీ కృష్ణ మాత్రం సమయానికి ఏ గొడుగు అవసరమే అదే ఉపయోగించే వారు. ఇది కేవలం తన పద్మలయ భూములను కాపాడుకోవటానికి సీఎం సీట్లో ఎవరు ఉంటే వారికి భజన చేయటం అలవాటు చేసుకున్నారు నటుడు కృష్ణ. గతంలో వైఎస్ రాజశేఖర్ రెడ్డి ఉన్నప్పుడు అనేక సార్లు ఆయన్ని కలిసి .. తన పద్మాలయ స్టూడియో భూమలను కాపాడుకున్న విషయం తెలిసిందే. కానీ నేడు పరిస్థితి మారింది. సూపర్ స్టార్ కృష్ణ మారాడు అనేది .. ఈరోజు బయపడింది.

నిన్నటి వరకు కాంగ్రెస్ పార్టీకి జై కొట్టిన ఘట్టమనేని కుటుంబం నేడు .. గులాబీ పార్టీకి జై అంటూ తెరలేపింది. తెలంగాణలో రెండువేల ఎకరాలతో నిర్మించబోయే ఫిల్మ్ సిటీకి కేసీఆర్ పేరు పెడితే బాగుంటుందని సూపర్ స్టార్ కృష్ణ ప్రతిపాదించారు. ఫిల్మ్ సిటీ నిర్మాణానికి ఆయన మద్దతు ప్రకటించారు. ఇప్పటికే తెలుగు చిత్ర పరిశ్రమ... ఫిల్మ్ సిటీ నిర్మాణాన్ని స్వాగతించింది.

పలువురు సినీ పెద్దలు ఈ సందర్భంగా కేసీఆర్ను కలిసి కృతజ్ఞతలు తెలిపారు. రెండువేల ఎకరాల్లో రాష్ట్రంలో ఫిల్మ్ సిటీని నిర్మించనున్నట్లు తెలంగాణ ముఖ్యమంత్రి కేసీఆర్ ప్రకటన చేసిన విషయం తెలిసిందే. షూటింగులు, టీవీ సీరియళ్ల నిర్మాణానికి అనుగుణంగా భారీ స్థాయిలో ‘సినిమా సిటీ’ నిర్మించాలని, ఇందులో గ్రాఫిక్స్, ఎఫెక్ట్స్ సౌకర్యాలతో స్టూడియోలు ఉండాలని కేసీఆర్ సూచించారు.

ప్రపంచ సినిమాకు హైదరాబాద్‌ ప్రధాన కేంద్రం కావాలని ఆకాంక్షను వ్యక్తం చేశారు. సినీ పరిశ్రమ హైదరాబాద్ నుంచి ఎట్టిపరిస్థితుల్లోనూ తరలిపోదని కూడా ఆయన ధీమా వ్యక్తం చేశారు. దీంతో సినీ పరిశ్రమకు మేలు జరగడంతో పాటు స్థానికులకు ఉపాధి, ఉద్యోగావకాశాలు లభిస్తాయని అభిప్రాయపడ్డారు.

ఒక్కసారి మహేష్ తండ్రి సూపర్ స్టార్ కృష్ణ తెలంగాణ ముఖ్యమంత్రి పై పొగడ్తలు కురిపించటంతో టాలీవుడ్ పెద్దలు ఖంగుతిన్నారు. పద్మాలయ భూముల కోసమే కేసిఆర్ కు భజన చేస్తున్నారని టాలీవుడ్ పుకార్లు పుట్టాయి. దీంతో మహేష్ సినిమాలపై. కూడా ఈ ఎఫెక్ట్ ఉంటుందని టాలీవుడ్ వాసులు అంటున్నారు. కృష్ణ కు దైర్యం లేక ఇలా చేశాడో లేక భయపడి ఇలా చేశాడో తెలియదు గానీ, మొత్తానికి .. నీకాల్మోక్తా.. బాంచన్ దొర !! అంటూ సూపర్ స్టార్ కృష్ణ లొంగిపోవటం మహేష్ అభిమానులు జీర్ణించుకోలేకపోతున్నారు.

RS