నేనే ఆమెతో డేటింగ్ చేయడం లేదు

Posted: 05/03/2014 12:03 PM IST

విలక్షణ నటుడు కమల్ హాసన్ నటన పరంగా ఎంత పేరు తెచ్చుకున్నాడో, ఆయన కూతుర్లు ఎఫైర్ల పరంగా అంత పాపులర్ అవుతున్నాడు. ఈయన పెద్ద కూతురు శ్రుతి హాసన్ ఇప్పటికే హీరోయిన్ గా దూసుకుపోతుంటే, ఈమె రెండో కూతురు అక్షర హాసన్ త్వరలో వెండితెర అరంగ్రేటం చేయబోతుంది. ఈ అమ్మడు తమిళ హీరో ధనుష్ హీరోగా తెరకెక్కే చిత్రంలో నటిస్తుంది.

వెండితెర అరంగ్రేటానికి ముందే అక్షర హాసన్ బాలీవుడ్ నటుడు తనూజ్ విర్యానీతో ఘాటు ఎఫైర్ నడుపుతోందని గత కొంత కాలంగా వార్తలు ప్రచారం లో  ఉన్నా ఇంతవరకు వీటిపై అక్షర హాసన్ నుండి ఎలాంటి స్పందన రాకపోయే సరికి ఈ ఎఫైర్ నిజమే అనుకున్నారు. కానీ తాజాగా తమ ఎఫైర్ పై తనూజ్ స్పందిస్తూ.. కమల్ హాసన్ కూతురుతో తాను డేటింగ్ చేయడం లేదని, అక్షర్ హాసన్ నాకు మంచి స్నేహితురాలు మాత్రమే. మీడియాలో మా మధ్య ఎఫైర్ ఉందనే వార్తలు విని నేను షాకయ్యానంటూ చెప్పుకొచ్చాడు.

తన మధ్య ఎఫైర్ లేదని  ఇన్నాళ్ళకు చెప్పాడంటే ఇన్ని రోజులు జనాలు నాలుగు రకాలుగా మాట్లాడుకుంటుంటే ఏం చేసినట్లో అని బాలీవుడ్ జనాలు అనుకుంటున్నారు. మరి ఇంత క్లారిటీ ఇచ్చాకనైనా అక్షర హాసన్ పై ఎపైర్ల వార్తలకు పుల్ స్టాప్ పడుతుందో లేదో చూడాలి.