సంపూ క్రేజ్ ని తట్టుకోవటం చాలా కష్టమేనట?

Posted: 02/28/2014 03:45 PM IST

ఈ టైటిల్ చదివి  టాలీవుడ్ లో  టాప్ హీరో గురించి అనుకుంటున్నారా?  టాప్  హీరో కాదు  గానీ, టాప్ క్రేజ్ తో ఇప్పుడు టాలీవుడ్ లో హల్ చల్ చేస్తున్న, అతి తక్కువ కాలంలోనే.. అందరి మైండ్ పొగడుతున్న బర్నింగ్ స్టార్  సంపూర్ణేష్ బాబు.  

తెలంగాణ రాష్ట్రం వచ్చింది ఎంత నిజమో.. సంపూర్ణేష్  చిత్రపరిశ్రమలో అంతే క్రేజ్ పెరిగిందనేది కూడా నిజమే. చాలా మంది  ‘సంపు’అని ముద్దుగా  పిలుచుకుంటారు. ఈ  సంపూ బాబు "హృదయకాలేయం" నికి సోలో హీరో.  ప్రముఖ దర్శకకుడు రాజమౌళి చేసిన ఒక్క ట్వీట్ తో పాపులరయిపోయిన మన సంపూ  ఇప్పుడు టాలీవుడ్ కి ఇంటర్నెట్ స్టార్ ఆఫ్ ద ఇయర్ అనడంలో సందేహం లేదు.   

అగ్రతారల కొడుకులుకు మాత్రమే వారి మొదటిసినిమా నుంచే క్రేజ్ వుంటుందా? కాదని నిరూపించాడు మన సంపూ. స్టీవెన్ శంకర్ తెరకెక్కించిన ఈ సినిమా పూర్తవడంతో ఇటీవలే మధుర శ్రీధర్ ఆడియో హక్కులను ఘనమైన ధరకు సొంతం చేసుకున్నాడు. ఆయనకున్న పలుకుబడితో నిన్న మన సంపూ రామ్ గోపాల్ వర్మ వంటి ప్రముఖులను కలవగలిగాడు. 

అయితే  రాత్రి జరిగిన  చిత్ర ఆడియో ఫంక్షన్ ల్లో  మన సంపూ పై  సినీ పెద్దలు  పొగడ్తల వర్షం  కురిపించారు. ఇప్పటికే టీజర్లలో  విన్న పాటలు, బ్యాక్ గ్రౌండ్ స్కోర్ అలరించాయి కాబట్టి చిన్న సినిమా అయినా క్వాలిటీ మ్యూజిక్ ను ఆశించవచ్చు. 

ఒక వేళ ఈ సినిమా గనుక హిట్ అయితే ఓవర్ నైట్ స్టార్ అయిన సంపూ ఇక ఓవర్ డే కే సూపర్ స్టార్ అయిపోతాడేమో.. ఏమో జరిగినా జరగవచ్చునని టాలీవుడ్  పెద్దలు అంటున్నారు. ఇక ఇతని క్రేజ్  తట్టుకోవటం చాలా కష్టమేనని టాలీవుడ్ వాసులు అంటున్నారు.  

ఇప్పటికి  సంపూ బాబు  ఫ్యాన్స్ సంఘాలు ఏర్పాడి , హల్ చల్ చేస్తున్నాయంటే.. సంపూ బాబు రేంజ్ ఎంతవరకు వెళ్లిందో ఇట్టే అర్థమవుతుందని  ఫిలింనగర్ వాసులు అంటున్నారు. 

-ఆర్ఎస్