టాలీవుడ్ లో వర్మ ‘పెప్పర్ స్ప్రే’సంచలనం?

Posted: 02/28/2014 11:03 AM IST

రాష్ట్ర విభజన విషయంలో  పార్లమెంట్లో సీమాంద్ర నేత  లగడపాటి ‘‘పెప్పర్స్ స్ర్పే ’’ ప్రపంచ రాజకీయాల్ని తాకిన విషయం తెలిసిందే.  లగడపాటి ‘‘పెప్పర్స్ స్ర్పే ’’  పై అనేక  రాజకీయ విమర్శలు తలెత్తిన విషయం తెలిసిందే.  అయితే ఇప్పుడు ఈ ‘‘పెప్పర్స్ స్ర్పే ’’  టాలీవుడ్ లో పెను సంచలనం పుట్టిస్తుంది.

ఈ ‘‘పెప్పర్స్ స్ర్పే ’’  ఇప్పుడు టాలీవుడ్ లో పెద్ద కలకలం రేపింది.  వివాదాలు.. అంటే  అతనికి  చాలా ఇష్టం,  విమర్శలతో  చేడుగుడు ఆడుకునే వ్యక్తి,  ఎవరితో  విబేధాలు లేని రక్త చరిత్ర ఉన్న  టాలీవుడ్ దర్శకుడు.  టాలీవుడ్ లో  టాలెంట్ ఎవడబ్బా సొత్తూ కాదని వెండితెరపై  చూపించిన టాలీవుడ్ రాముడు, లగడపాటికి ప్రాణ, బాల్య స్నేహితుడు ఆయనే  బెజవాడ రౌడి రామ్ గోపాల్ వర్మ. 

టాలీవుడ్  కొద్ది రోజుల నుండి  షేక్ అవుతుంది. దాని కారణం  రామ్ గోపాల్ వర్మ అని  టాలీవుడ్ వాసులు అంటున్నారు. రీసెంట్ గా టాలీవుడ్ లో  ఒక నిర్మాత ఫిల్మ్ ఛాంబర్ లో  ‘‘పెప్పర్స్ స్ర్పే ’’  అనే టైటిల్ ని  రిజిస్టర్  చేయించినట్లు సమాచారం. ఈ టైటిల్ వెనుక రామ్ గోపాల్ వర్మ ఉన్నాడనే  పుకార్లు టాలీవుడ్ లో  వినిపిస్తున్నాయి. 

ఇప్పటికే వర్మ,  దేయ్యాలు, భూతాలు, రక్తచరిత్ర,  రౌడీలు లాంటి  సినిమాలు తీసి   తెలుగు ప్రేక్షకులకు అందించిన విషయం తెలిసిందే. ఇప్పుడు ‘‘పెప్పర్స్ స్ర్పే ’’ తో  ఎవర్ని భయపడుతాడో.. అనే భయం టాలీవుడ్ వాసుల్లో కలుగుతుంది. 

అసలు దీని వెనుక చాలా  రాజకీయం ఉందని  టాలీవుడ్ ప్రజలు అంటున్నారు. బాక్స్ ఆఫీసు రికార్డులని కొల్లగొట్టడానికి "పెప్పర్ స్ప్రే" టైటిల్ ని రాజకీయ సినిమాగా మలిచే అవకాశం లేకపోలేదని అంటున్నారు. ఈ టైటిల్ తో రాజకీయ నేపధ్యంలో సినిమా వస్తే ఖచ్చితంగా దీనికి జాతీయ స్థాయిలో గుర్తింపు వస్తుందని కొంతమంది సినీపెద్దలు అంటున్నారు.

ఈ ‘‘పెప్పర్స్ స్ర్పే ’’  సినిమా గానీ  వెండితెరపైకి వస్తే.. టాలీవుడ్ ని షేక్ చేస్తుందని .. టాలీవుడ్ పండితులు అంటున్నారు.  అయితే ఈ ‘‘పెప్పర్స్ స్ర్పే ’’  సినిమా పై లగడపాటి ఏమంటారో, ఈ సినిమా పై ఎన్ని విమర్శలు వస్తాయో చూడాలని..ఫిలింనగర్ వాసులు  గుసగుసలాడుకుంటున్నారు. 

 -ఆర్ఎస్