సెల్ ఫోన్ కంపెనీ బాస్ ని గోకింది

Posted: 02/20/2014 05:51 PM IST

దక్షిణాదిలో తనకంటూ ఓ ప్రత్యేక గుర్తింపు తెచ్చుకున్న ఆసిన్ బాలీవుడ్ కి వెళ్ళి అక్కడ అవకాశాల వేటలో వెనకబడి ఖాళీగా ఉంటే టైం వేస్ట్ అనుకుందో ఏమో కానీ, ప్రముఖ సెల్ ఫోన్ కంపెనీ మైక్రోమ్యాక్స్ అధినేత రాహుల్ శర్మతో ప్రేమాయణం మొదలు పెట్టిందని సినీ వర్గాల సమాచారం. ఆసిన్ స్నేహితుడి ద్వారా ఓ కార్యక్రమంలో పరిచయం అయిన ఈ సెల్ ఫోన్ బాస్ తో మెల్లి మెల్లిగా మాటలు కలిపి, పరిచయం పెంచుకుందట.

ఈ పరియం కాస్త స్నేహంగా మారడంతో ఆ కంపెనీ ఏ కొత్త మోడల్ ని లాంచ్ చేసినా ఆసిన్ కి స్పెషల్ ఇన్విటేషన్ పంపిస్తూ ఇంకాస్త దగ్గరయ్యి, ఆ బంధాన్ని ప్రేమగా మలుచుకున్నారని సినీ వర్గాల్లో టాక్ వినిపిస్తుంది. ప్రస్తుతం వీరి ప్రేమ పీకల్లోతు వరకు వెళ్లిందని, క్షణం కూడా ఒకర్ని విడిచి ఒకరు ఉండలేని స్థితికి వచ్చారని అంటున్నారు.

మైక్రో (సూక్ష్మంగా) చిన్నగా మొదలైన వీరి పరిచయం మ్యాక్స్ (గరిష్టంగా) పెళ్లి వరకు వెళుతుందో లేదో చూడాలి. సినీ జనాలు మాత్రం గజినీ సినిమాలో తాను పోషించిన పాత్రను నిజ జీవితంలో నిజం చేసుకుంటుందని అంటున్నారు.

Knr