సినిమా హిట్టు కోసం మందు మానేశాడు

Posted: 12/28/2013 09:27 AM IST

ప్రముఖ దర్శకుడు, వివాదాల రామ్ గోపాల్ వర్మ మంచు ఫ్యామిలీ కోసం త్యాగం చేశాడు. వర్మ మంచు ఫ్యామిలీ కోసం ఏం త్యాగం చేశాడనేగా మీ సందేహం. త్యాగం అనేగానే ఏవేవో ఊహించుకోకండి. ఈయన త్యాగం చేసింది ‘మందు ’ (మద్యం). అదేంటి మంచు ఫ్యామిలీ కొసం ఈయన మందు మానేయడం ఏంటని ఆశ్యర్యపోకండి.

ప్రస్తుతం వర్మ మంచు ఫ్యామిలీ హీరో విష్ణుతో ఓ సినిమా చేయడానికి కమీట్ అయిన విషయం తెలిసిందే. గత కొంత కాలం నుండి సరైన హిట్టు లేకుండా ఇద్దరు సతమతం అవుతున్నారు. దీంతో వర్మ బ్లాక్ బస్టర్ హిట్ వచ్చే వరకు వోడ్కా తాగను అని అనుకున్నాడట. రామ్ గోపాల్ వర్మ మంచు వారితో తీసే సినిమాతో ఇండస్ట్రీని షేక్ చెయ్యాలని వోడ్కాను తాగటం ఆపేసాడు అని సినీ వర్గాల సమాచారం.

ఇది నిజమైతే రామ్ గోపాల్ వర్మ, మంచు ఫ్యామిలీకి బ్లాక్ బస్టర్ సక్సెస్ ఇవ్వటానికి అన్ని విధాలుగా సిద్ధంగా ఉన్నాడని అర్థం అవుతుంది. అసలే తిక్కల వర్మగా పేరు తెచ్చుకున్న ఈయనకు మందు వేయకపోతే మైండ్ పనిచేయక ఉన్న సినిమా దొబ్బేస్తే... అని జనాలు జోకులు వేసుకుంటున్నారు.