రామాచారి

Posted: 05/17/2013 07:59 PM IST

సినిమా ఇండస్ట్రీలోకి ఎంతో మంది టాలెంట్ ఉన్న హీరోలు వస్తుంటారు. అందులో హీరో వేణు ఒకడు. ‘స్వయం వరం ’ సినిమాతో తెలుగు ప్రేక్షకుల ముందుకు వచ్చి ‘చిరునవ్వు ’ తో అలరించిన ఈ టాలెంటెడ్ పర్సన్ మాత్రం ఇండస్ట్రీలో పెద్దగా రాణించలేక పోయాడు. ఈయన తాజాగా కమలిని ముఖర్జీ జంటగా జి. ఈశ్వరరెడ్డి దర్శకత్వంలో ఎస్.పి.ఎంటర్‌టైన్‌మెంట్స్ పతాకంపై పి.వి.శ్యాంప్రసాద్ నిర్మిస్తున్న 'రామాచారి' చిత్రంలో నటించాడు. ఈ రోజు(శుక్రవారం)విడుదల అవుతోంది. 'ఈడో పెద్ద గూఢచారి' అన్నది ఉపశీర్షిక. మళయాళ చిత్రం 'సీఐడీ మూసా' కి రీమేక్ ఇది. పోలీసు కుటుంబంలో పుట్టి పెరిగిన యువకుడి చుట్టూ తిరిగే కథ ఇది. అతగాడి పేరు రామాచారి. చిన్నప్పటి నుంచీ పోలీస్‌ అధికారి కావాలని కలలు కంటాడు. ప్చ్‌... అనుకున్నది సాధించలేకపోతాడు. చివరాఖరికి గూఢచారిగా మారతాడు.ఆ గూఢచారి రాష్ట్ర ముఖ్యమంత్రిని ఎలా కాపాడాడన్నదే కథ. అతను చేసే అన్వేషణలు కావల్సినంత వినోదాన్ని పంచుతాయి. హీరో లాంటి వ్యక్తి జీరోగా మారి.. తిరిగి హీరోగా మారడమే ఈ చిత్రం. ఈ క్రమంలో వచ్చే సంఘటనలు అందరినీ ఆకట్టుకొంటాయి.