అమల-విజయ్ విడాకులు మంజూరు

Posted: 02/22/2017 04:17 PM IST

ఊహించని రీతిలో ట్విస్ట్ ఇస్తూ తమ వివాహ బంధాన్ని తెంచేసుకుంటున్నట్లు ఏడాది క్రితం నటి అమలా పాల్, దర్శకుడు ఏ ఎల్ విజయ్ లు ప్రకటించి పెద్ద షాకే ఇచ్చారు. ఆ తర్వాత సినిమాల్లో నటించటం ఇష్టం లేకనే అమలను అత్తింటివారు ఒత్తిడి తేవటమే దంపతుల మధ్య దూరానికి కారణం అయ్యిందని తర్వాత తెలిసింది.

నాన్న సినిమా సందర్భంగా చిగురించిన వీరి ప్రేమ తలైవా చిత్ర సందర్భంగా ముదిరిపోయి ఆపై వివాహానికి దారితీసింది. ఆపై ఏడాదిపాటు అన్యోన్యంగా కాపురం చేసిన ఈ జంట విడివిడిగా కనిపిస్తూ వచ్చారు. విజయ్ తండ్రి అమలను సినిమాల్లో ఇక నటించవద్దని చెప్పటంతోనే అసలు వ్యవహారం మొదలైంది. ఆపై ఇద్దరు విడాకులు తీసుకుంటున్నట్లు ప్రకటించారు. ఇక చెన్నై ఫ్యామిలీ కోర్టు వీరిద్దరికి విడాకులు అధికారికంగా మంజూరు చేసింది.

ఇదిలా ఉంటే తమ విడాకులకు వేరే కారణం ఉందంటూ విజయ్ చెప్పటంతో హీరో ధనుష్ తో అఫైర్ అంటూ మరో పుకారు రేగింది. దీంతో అమల జస్ట్ ఫ్రెండ్ అంటూ క్లారిటీ ఇచ్చుకుంది. మొత్తానికి బ్రేకప్ నుంచి అఫీషియల్ గా విడిపోయిన ఈ ఇద్దరూ ఇక ఇప్పుడు తమ కెరీర్ లపైనే దృష్టిసారించారు.

 

అతన్ని ళ్లి చేసుకుని తప్పు చేశా: అమల