పెళ్ళికి ముందు సంసారం తప్పుకాదు

Posted: 11/29/2013 11:07 AM IST

వివిధ దేశాల్లో ఉన్న సహజీవన సంస్క్రుతి మనదేశంలో కూడా గత కొంత కాలం నుండి ప్రాచుర్యంలోకి  వచ్చిన విషయం తెలిసిందే. ముఖ్యంగా సినిమా వాళ్ళలో ఈ సహజీవనం (లివ్ ఇన్ రిలేషన్ షిప్) ఎక్కువగా కనిపిస్తుంటుంది. . ఇప్పటి వరకు మన దేశంలో ఈ సహజీవనానికి చట్టబద్దత లేదు. తనతో సహజీవనం గడిపిన వ్యక్తి నుంచి భరణం కోరుతూ ఒక మహిళ కోర్టును ఆశ్రయించిన కేసుపై తీర్పునిస్తూ కోర్టు సంచలన వ్యాఖ్యలు చేసింది. ఈ సహజీవాన్ని గుర్తించి దానికి చట్టబద్దత కల్పించి సహజీవనం చేసిన మహిళలకు, వారి పిల్లల రక్షణ కోసం ఓ చట్టం రూపొందించాలని సుప్రీం కోర్టు స్పష్టం చేసింది.

ఇలా వివాహం చేసుకోకుండా  కలిసి జీవించడం నేరమో, పాపమో కాదని కూడా స్పష్టం చేస్తూ ధర్మాసం తీర్పు నిచ్చింది. జస్టిస్ కేఎస్ రాధాక్రుష్ణన్ నేత్రుత్వంలోని ధర్మాసనం సహజీవనం మన దేశంలో సామాజికంగా ఆమోదం యోగ్యం కాకపోయినా అది నేరమో పాపమో కాదు... పెళ్లి చేసుకోవాలా, వద్దా అన్నది పూర్తిగా వ్యక్తిగతమైనది తెలిపింది. అయితే ఈ చట్టం వివాహానికి ముందు శృంగారాన్ని ప్రోత్సహించేలా ఉండకూడదని హెచ్చరించింది . ఎంతకాలంగా వారు కలిసి జీవిస్తున్నారు, వారి ఆర్థిక, సామాజిక పరిస్థితి, పిల్లలు ఉన్నారా లేదా, సహజీవనం చేసే వ్యక్తుల ప్రవర్తన తదితర అంశాలను పరిగణనలోకి తీసుకోవాలని కూడా బెంచ్ సూచించింది.

పాశ్చాత్య దేశాల మాదిరిగా సహజీవనాన్ని చట్టపరంగా గుర్తించడం సాధ్యమేనా, అలాంటప్పుడు వివాహ బంధానికి ఉన్న విలువ ఏమిటి అన్న ప్రశ్న తలెత్తుతుంది విశ్లేషకుల నుండి. సుప్రీం కోర్టు తీర్పు పై మహిళా సంఘాలు, మత సంఘాలు ఎలా స్పందిస్తాయన్నది చూడాలి. మన దేశంలో  సహజీవనాన్ని చట్టబద్దతగా గుర్తించే దశకు వెళ్ళిందంటే మన సంస్ర్కుతి ఎటు వెళుతుందో అర్థం చేసుకోవచ్చు.