శ్రీదేవి కూతురితో సల్మాన్ ఖాన్ సరసం?

Posted: 10/22/2013 01:46 PM IST

ఇప్పటికింక నా వయసు .. నిండా పెళ్లి వయసే అంటూ.. పాడుకుంటూ.. బ్యాచిలర్ గా తిరుగుతున్న బాలీవుడ్ కండలవీరుడు.. మన సల్లూబాయ్ .. ఇప్పుడు అతిలోక సుందరి శ్రీదేవి తనయ జాన్వితో రొమాన్స్ చేయబోతున్నడు అనే వార్తలు బాలీవుడ్ లో వినిపిస్తున్నాయి. ఇప్పటికే మన సల్లూబాయ్ పై మనసుపడని మగువ ఏ వుడ్ లోను లేదు. కండలవీరుడు కనుసైగ చేస్తే చాలు.. క్షణాల్లో వాలిపోయే పెళ్లిగానీ భామలు చాలా మంది ఉన్నారు. కానీ ఇప్పుడు మన కండలవీరుడు చేతిలో... ఇక 16 ఏళ్ల వయసులో ఉన్న అతిలోకు సుందరి కూతురు జాన్వి రొమాన్స్ చెయ్యటానికి సిద్దంగా ఉన్నట్లు బాలీవుడ్ బాబులు అంటున్నారు.

 

శ్రీదేవి తనయ జాన్వి అరంగేట్రం బాలీవుడ్‌లోనా... టాలీవుడ్‌అని కొన్నాళ్ల నుంచి అందరి నోళ్లలోనూ నలుగుతున్న ప్రశ్న. ఆమె రాక కోసం ఇరు పరిశ్రమలు వెయ్యి కళ్లతో ఎదురు చూస్తున్న విషయం తెలిసిందే. అయితే జాన్వి తెరంగేట్రం బాలీవుడ్‌ నుంచే అని ఆమె సన్నిహిత వర్గాల నుంచి వినిపిస్తోన్న వార్త. జాన్వి సినిమాల్లోకి రావడానికి మరికొంత కాలం పడుతుందన్న విషయం స్వయంగా శ్రీదేవి ప్రకటించిన విషయం తెలిసిందే. అయితే తెరకు పరిచయం చేసేది మాత్రం సల్మాన్‌ఖాన్‌ మాత్రమేనని వినికిడి.

 

ఇప్పటికే ఆయన, నగ్మా, ఆయేషా జుల్కా, రవీనా టాండన్‌, భాగ్యశ్రీ, జరీనా ఖాన్‌, సోనాక్షి సిన్హా లాంటి వాళ్లు సల్లు చేతులు మీదుగానే తెరకు పరిచయం అయ్యారు. వీరంతా కొన్నాళ్లు పాటు ఉత్తరాదిన వరుస విజయాలతో దూసుకుపోయారు. ఆ సెంటిమెంట్‌తోనే జాన్వి బాధ్యతలు సల్మాన్‌ఖాన్‌ తీసుకోబోతున్నరని తెలుస్తోంది. ఈ విషయంలో సల్మాన్‌ఖాన్‌ ఇప్పటికే శ్రీదేవి, బోనీ కపూర్‌లను సంప్రదించటం జరిగినట్లు బాలీవుడ్ బాబులు అంటున్నారు. శ్రీదేవి దంపతులు కూడా ఈ విషయంలో సముఖంగా ఉన్నారని బాలీవుడ్‌ వర్గాలు అంటున్నాయి. ఇప్పుడు సల్మాన్‌ చేతిలో మరో రెండు చిత్రాలు ఉన్నాయి. ఆ రెండిటిలో ఏదో ఒక చిత్రంలో జాన్వి నాయికగా కనిపించబోతుందని సమాచారం. కండలవీరుడు చేతిలో పడిన హీరోయిన్లు అందరు వెండితెరను ఊపేసివారే. మరీ ఈ ఇద్దరి జంట తెరపై ఎలా ఉంటుందో చూడాలి. ఈ ఇద్దరి కలియకలో త్వరగా సినిమా రావాలని, సల్లుబాయ్ అభిమానులు, శ్రీదేవి భక్తులు కోరుకుంటున్నారు.