రాహుల్ కోసం పాలమూరు సిద్దం చేసిన డీకే అరుణ

Posted: 10/22/2013 08:04 PM IST

Rahul gandhi should contest from palamuru says dk aruna

రాబోయే ఎన్నికల్లో రాహుల్ గాంధీ పైనే తెలంగాణ కాంగ్రెస్ నేతలు ద్రుష్టి పెట్టారు. నిన్నటి వరకు .. ప్రత్యేక తెలంగాణ రాష్ట్రం పై ద్రుష్టి పెట్టిన తెలంగాణ కాంగ్రెస్ నేతలు ఇప్పుడు 2014 ఎన్నికల్లో రాహుల్ గాంధీ ఎక్కడ నుంచి పోటీ చేస్తే బాగుటుందనే విషయం తెలంగాణ కాంగ్రెస్ నేతలు సతమతమవుతున్నారు. అయితే రాహుల్ కోసం రాష్ట్ర మంత్రి ఢీకే అరుణ పాలమూరు సిద్దం చేసినట్లు తెలుస్తోంది. ఈ విషయం పై ఈరోజు రాష్ట్ర కాంగ్రెస్ వ్యవహారాల ఇన్ ఛార్జ్ దిగ్విజయ్ సింగ్ తో మంత్రి డీకె అరుణ, మల్లు రవి భేటీ అయ్యారు.

ఈ భేటీ అనంతరం డీకె అరుణ మాట్లాడుతూ వచ్చే ఎన్నికల్లో మహబూబ్ నగర్ నుంచి రాహుల్ గాంధీ పోటీ చేయాలని ఆకాంక్షిస్తున్నట్లు తెలిపారు. పాలమూరు నుంచి రాహుల్ పోటీ చేసే విషయంపై చర్చించినట్లు వెల్లడించారు. అలాగే గద్వాల్ లో నిర్వహించనున్న జైత్రయాత్ర సభకు దిగ్విజయ్ ని ఆహ్వానించినట్లు ఆమె చెప్పారు. తెలంగాణ ఏర్పాటు, సమస్యల పరిష్కారానికి ప్రభుత్వం సాయం చేయాలని కోరినట్లు డీకె అరుణ తెలిపారు.

నెల 29వ తేదీన గద్వాలలో తెలంగాణ జైత్రయాత్ర సభ నిర్వహిస్తున్నట్లు మంత్రి డీకే అరుణ వెల్లడించారు. కార్యక్రమానికి తెలంగాణ మంత్రులు, ఎమ్మెల్యేలు, ఎంపీలు, ఎమ్మెల్సీలు, డీసీసీ అధ్యక్షులు, మాజీ ఎమ్మెల్యేలు, మాజీ పీసీసీ అధ్యక్షులు రానున్నారని వివరించారు.తెలంగాణపై నిర్ణయం తీసుకున్నందుకు కాంగ్రెస్ అధిష్టానానికి ధన్యవాదాలు తెలిపేందుకు గాను జైత్రయాత్ర సభలను నిర్వహిస్తున్నామని తెలిపారు.

సభలు తెలంగాణలోని అన్ని జిల్లాల్లో నిర్వహిస్తామని, అందులో భాగంగా గద్వాల లోని తేరుమైదానంలో నిర్వహించతలపెట్టినట్లు వివరించారు. తెలంగాణ రాష్ట్ర ఏర్పాటు ప్రక్రియలో భాగంగా కేంద్ర ప్రభుత్వం జీఓఎంను ఏర్పాటు చేసిందన్నారు. తెలంగాణకు అన్నిరంగాల్లో న్యాయమైన వాటా ఇవ్వాలని జీఓఎంకు నివేదిక ఇవ్వనున్నట్లు పేర్కొన్నారు.

రాహుల్ గాంధీ కోసం తెలంగాణలో.. మెదక్ జిల్లాను, మహబూబ్ నగర్ జిల్లోని పాలమూరును తెలంగాణ కాంగ్రెస్ నేతలు సిద్దం చేయటం జరిగింది. ఇక మిలిగింది సోనియా గాంధే. అమ్మకు ఏ నియోజక వర్గం కేటాయిస్తారో అనే విషయం అతి త్వరలో చెబుతామని తెలంగాణ కాంగ్రెస్ నేతలు తెలిపారు.