ప్లీజ్ వాటిని సీజ్ చెయ్యండి?

Posted: 07/20/2013 02:43 PM IST

దయచేసి వాటిని సీజ్ చెయ్యండి? అని మాజీ మిస్ ఇండియా బాలీవుడ్ భామ యుక్తాముఖి వేడుకుంటుంది. ఆమె అంతగా అడగటానికి కారణం ఏమిటి? అంటే ఆమె ఇటీవల తన భర్త నుంచి విడకాలు కోరుకుంటుంది. అయితే అతని వద్ద ఉన్న కొన్ని రొమాన్స్ వీడియోలను సీజ్ చెయ్యమని యుక్తాముఖి కోర్టును ఆశ్రయించింది. యుక్తాముఖి భర్త ప్రిన్స్ తులి వైవాహిక బంధం ఇక ముడిపడని స్థాయికి చేరుకుంది. తనకు సంబంధించిన రహస్య వీడియోలు భర్త తులి వద్ద ఉన్నాయని, వాటిని బయటపెట్టకుండా సీజ్ చేయాలని యుక్తాముఖి తరఫున ఆమె లాయర్ తౌబాన్ ఇరాని ముంబైలోని కోర్టును అభ్యర్థించారు. వాటిని ప్రిన్స్ తులి లీక్ చేసే ప్రమాదముందంటూ ఆందోళన వ్యక్తం చేశారు. అదే జరిగితే ఆమె గౌరవానికి భంగకరమని చెప్పారు.

 

తనను శారీరకంగా, మానసికంగా వేధించాడంటూ భర్త తులి,అతని కుటుంబ సభ్యులపై యుక్తాముఖి ముంబైలోని అంబోలా పోలీస్ స్టేషన్లో కేసు నమోదు చేసిన సంగతి తెలిసిందే. ఈ నేపథ్యంలో ప్రిన్స్ యాంటిసిపేటరీ బెయిల్ కోసం స్థానిక కోర్టులో పిటిషన్ దాఖలు చేసుకున్నారు. ప్రిన్స్ కు బెయిల్ మంజూరు చేయరాదని యుక్తాముఖి లాయర్ తౌబాన్ కోరారు. భర్త నుంచి వేరుపడిన ఏడాది తర్వాత కేసు దాఖలు చేయడంలో అర్థమేంటి? అంటూ ప్రిన్స్ తరఫు లాయర్ సందేహం వ్యక్తం చేశారు. అలాగే, తన భర్త స్వలింగ సంపర్కుడంటూ యుక్తాముఖి ఆరోపించారని, దానిని నిరూపించే సాక్ష్యాలు లేవన్నారు. పోలీసుల విచారణకు సహకరిస్తున్నందున బెయిల్ మంజూరు చేయాలని కోరారు. ఈ ఇద్దరి విషయన్ని బాలీవుడ్ బాబులు, ఆసక్తిగా చూస్తున్నారు. యుక్తాముఖి తన ఎదుగుదల కోసమే తన భర్త నుండి బయటకు వస్తున్నట్లు బాలీవుడ్ లో టాక్ నడుస్తుంది.