దొరికిపోయిన మెగా రామ్ చరణ్

Posted: 06/17/2013 12:28 PM IST

మెగా పవర్ స్టార్ రామ్ చరణ్ టాలీవుడ్ లో దొరికిపోయారు. రామ్ చరణ్ దొరికిపోయారు అంటే ఆయన ఏదో తప్పు చేసి కాదులేండి.? టాలీవుడ్ నెంబర్ వన్ విషయంలో రామ్ చరణ్ దొరికిపోయారు. టాలీవుడ్ లో నెంబర్ వన్ హీరో ఎవరు అంటే వెంటేనే రెండు మూడు పేర్లు వినిపిస్తాయి. ఏ హీరో అభిమానులు ఆ హీరోనే నెంబర్ వన్ హీరో అనుకోవటం సహజంగా జరుగుతుంది. కానీ టాలీవుడ్ లో నెంబర్ వన్ హీరో ఎవరు అనేది తెలిసిపోయింది. టాలీవుడ్ నెంబర్ వన్ హీరో మెగా పవర్ స్టార్ రామ్ చరణ్ అనే విషయం ఇంచుమించుగా తెలిసింది. ఈ నెంబర్ వన్ రేసులో ప్రిన్స్ మహేష్ బాబు, పవర్ స్టార్ పవన్ కళ్యాణ్, మెగా పవర్ స్టార్ రామ్ చరణ్, యంగ్ టైగర్ ఎన్టీఆర్, స్టైలిష్ స్టార్ అల్లు అర్జున్ల మద్య నడుస్తున్న విషయం తెలిసిందే. అయితే ఇపుడు సడన్ గా రామ్ చరణ్ నేనే నెంబర్ వన్ అంటున్నాడు. అంతేకాకుండా.. నాకు నేనే సాటి, అని కూడా చెబుతున్నాడు. ఇటీవల రచ్చ, నాయక్ హిట్లతో మాంచి ఊపు మీద ఉన్న మెగా పవర్ రామ్ చరణ్ .. రీసెంట్ ఓ ఇంగ్లీష్ మ్యాగజైన్ కి ఇంటర్వూ ఇవ్వటం జరిగింది.

ఆ ఇంటర్యూ సాగిన సమయంలో రామ్ చరణ్ నోటి నుండి కొన్ని పదాలు రాలినట్లు సమాచారం. ఆ రాలిన పదాల్లో ‘నెంబర్ వన్ ’ అనే పదం ఒకటి. రామ్ చరణ్ మాట్లాడిన ప్రతి మాట వెనుక నా లక్ష్యం టాలీవుడ్ నెంబర్ వన్, అనే మాటలు పదే పదే రావటంతో, టాలీవుడ్ లో ప్రస్తుత నెంబర్ వన్ స్థానం నాదే అనే అర్థం రాక తప్పటంలేదు.. అంతేకాకుండా .. రామ్ చరణ్ నటించిన మగధీర 125 కోట్లు కలెక్ట్ చేసి, టాలీవుడ్ లో రికార్డు స్రుస్టించిన విషయం తెలిసిందే. ఈ రికార్డు ను క్రాస్ చెయ్యటానికి టాలీవుడ్ లో కొంత మంది స్టార్ హీరోలు చేస్తున్న సాహసం తెలిసిందే. కానీ రామ్ చరణ్ సాధించిన రికార్డు ను ..రామ్ చరణే క్రాస్ చేయాలనేది మెగా పవర్ స్టార్ లక్ష్యం అని నవ్వుతూ చెప్పినట్లు తెలుస్తోంది. రామ్ చరణ్ నెంబర్ వన్ స్థానం మీద ఎంత కసి ఉందోనని చెబుతూ దొరికిపోయాడు. టాలీవుడ్ లో నెంబర్ వన్ స్థానం నిర్ణయించింది అభిమానులే. సినీఅభిమానులు ఎవరికి నెంబర్ స్థానం ఇస్తారో చూడాలి. ఈ నెంబర్ వన్ రేసులో, నందమూరి బాలయ్య కూడా పోటీ పడుతున్నాడు. యంగ్ హీరోలతో.. సీనియర్ హీరో పోటీ ఏమిటో వెండితెరపై తెలుస్తోందని సినీజనాలు అంటున్నారు.