జగన్ కోసం తెలంగాణ లో బలిదానాలు?

Posted: 06/14/2013 05:38 PM IST

Jagan ysr veerareddy suicide in medak for ys jagan

ప్రత్యేక తెలంగాణ కోసం 1000 మంది విద్యార్థులు ఆత్మహత్యలు (బలిదానాలు) జరిగిన విషయం తెలిసిందే. ఇప్పుడు తెలంగాణ కోసం ఆత్మహత్యలు చేసుకోవటం లేదు. ఒక సంవత్సరం నుండి జైల్లో ఉన్న వైఎస్ఆర్ కాంగ్రెస్ పార్టీ అధ్యక్షుడు వైఎస్ జగన్మోహన్ రెడ్డి కోసం రాష్ట్రంలో యువత ఆత్మహత్యలు చేసుకుంటున్నారు. రీసెంట్ ఆంద్రలో వైఎస్ జగన్ కోసం ఒక యువకుడు ఆత్మహత్య చేసుకున్న విషయం మరిచిపోకముందే. .. ఆ సంఖ్య రెండుకు చేరుకుంది. ఈ సారి వైఎస్ జగన్ కోసం తెలంగాణలో ఒక యువకుడు ఆత్మహత్య చేసుకున్నట్లు తెలుస్తోంది. జగన్మోహన రెడ్డి అక్రమ అరెస్టును నిరసిస్తూ ఓ యువకుడు ఆత్మహత్య చేసుకున్నాడు. మెదక్ జిల్లా నర్సాపూర్‌లో వీరారెడ్డి అనే యువకుడు జగన్ ను విడుదల చేయడంలేదన్న మనఃస్తాపంతో ఉరివేసుకొని ఆత్మహత్య చేసుకున్నాడు. జగన్ కోసం యువకులు ఆత్మహత్యలు చేసుకునే సంఖ్య పెరుగుతుంది. ఈ విషయం ప్రభుత్వం ధ్రుష్టిలో పెట్టుకొని .. జగన్ కోసం జరిగే ఆత్మహత్యలను నిలుపుదల చెయ్యాలని వైసీపీ నాయకులు కోరుతున్నారు. వైఎస్ జగన్ జైలు నుండి బయటకు రాడనే కారణం వలనే యువకులు ఆత్మహత్యలు చేసుకుంటున్నారని ఆపార్టీ నాయకులు అంటున్నారు. ఒక యువ నాయకుడు కోసం రాష్ట్రంలో యువత ఆత్మహత్యలు చేసుకోవటం ఇదే మొదటి సారి అని ఆ పార్టీ సీనియర్ అంటున్నారు. ఈ విషయం తెలుసుకున్న పార్టీ నాయకులు వీరారెడ్డి ఇంటికి వెళ్లి వారి కుటుంబ సభ్యులను ఓదార్చినట్లు సమాచారం.