భయంతో తెలంగాణ లీడర్ కార్లో వెళ్లిన సీఎం?

Posted: 06/14/2013 01:47 PM IST

అసెంబ్లీని సభాపతి నాదెండ్ల మనోహర్ సోమవారానికి వాయిదా వేశారు. సభలో టిఆర్‌ఎస్‌ ఎమ్మెల్యేలు తెలంగాణఱ వాదం గట్టిగా వినిపించారు. లోపల అసెంబ్లీ సమావేశం జరుగుతుంటే.. బయట చలో అసెంబ్లీ కార్యక్రమం ఉద్రిక్త పరిస్థితుల వైపు దారి తీసింది. రాజధానిలో ఉద్రిక్త పరిస్థితులు నెలకొన్న విషయం తెలిసిందే. అసెంబ్లీలో తెలంగాణ తెలుగుదేశం, భారతీయ జనతా పార్టీ, తెలంగాణ రాష్ట్ర సమితి, సిపిఐ శాసన సభ్యులు సభలో ఆందోళన చేయడంతో సభ్యులు అందరు వెళ్లిపోయారు. ముఖ్యమంత్రి కిరణ్ కుమార్ రెడ్డి మాత్రం తన కాన్వాయ్‌లో వెళితే అడ్డుకుంటారని ఉప ముఖ్యమంత్రి దామోదర రాజనర్సింహ కాన్వాయ్‌లో సచివాలయానికి వెళ్లారు. చలో అసెంబ్లీ నేపథ్యంలో ముఖ్యమంత్రి, సభాపతిలు ఉదయమే అసెంబ్లీకి వచ్చారు. అప్పుడు ముఖ్యమంత్రి కాన్వాయ్‌ని తెలంగాణవాదులు అడ్డుకున్నారు. వెళ్లేటప్పుడు కూడా అడ్డుకుంటారని భావించి ఆయన తెలంగాణ ప్రాంతానికి చెందిన దామోదర కాన్వాయ్‌లో వెళ్లారు. ముఖ్యమంత్రి కిరణ్ కుమార్ ఇలా తెలంగాణ నేత కార్లో బయటకు వెళ్లటం పై అనేక విమర్శకలు వినిపిస్తున్నాయి. ఛలో అసెంబ్లీ కార్యకమానికి భయపడి , మరో గేటు గుండా బయటకు వెళ్లటం పై తెలంగాణ నేతలు మండిపడుతున్నారు. అసెంబ్లీ మొదటి గేటు వద్ద టీఆర్ఎస్ ఎమ్మెల్యేలు .. నల్ల చొక్కలతో రోడ్డుపై బెఠాయించారు. ఈ విషయం తెలుసుకున్న ముఖ్యమంత్రి ఉప ముఖ్యమంత్రి సహాయంతో బయటకు వెళ్లినట్లు సమాచారం. తెలంగాణ వాదుల నుండి సీఎం తప్పించుకున్నారు.