నేను ఎవర్ని చెడగొట్టలేదు- నా వల్ల ఎవరు చెడిపోలేదు ..మహేష్ బాబు ?

Posted: 06/05/2013 05:31 PM IST

టాలీవుడ్ సూపర్‌స్టార్ మహేష్ బాబు ‘దూకుడు ’ గురించి అందరికి తెలిసిందే. ఫిన్స్ మహేష్ బాబు చాలా నెమ్మదిగా తన పని తాను చేసుకుంటూ పోతాడు. వెండితెరపై కొత్త రికార్డులు పుట్టిస్తారు. ఈ రోజు మహేష్ బాబు విజయవాడ ఏలూరు రోడ్డులో సందడి చేశారు. విజయవాడ ఏలూరు రోడ్డులో కొత్తగా ఏర్పాటైన రెయిన్ బో చిల్డ్రన్ హాస్పటల్‌ను మహేష్ బాబు ప్రారంభించారు. మహేష్ బాబు మాట్లాడుతూ అత్యాధునిక సౌకర్యాలతో నిర్మించబడిన రెయిన్ బో హాస్పిటల్‌ అత్యుత్తమ సేవలను అందిస్తున్నట్లు తెలిపారు. చిన్న పిల్లల ఆరోగ్యం కోసం తమవంతు సహాయం అందిస్తామన్నారు.

ఆ సమయంలో మహేష్ బాబులో ఉన్న ఫ్రిన్స్ బయటకు వచ్చారు మీడియా వారితో కాసెపు ముచ్చటించారు. తెలుగు ఇండస్ట్రీని వదిలి వెళ్లే ఉద్దేశం తనకు ఎంతమాత్రం లేదని సూపర్‌స్టార్ మహేష్‌ బాబు స్పష్టం చేశారు సినిమాలు చూసి యూత్ చెడిపోతున్నారని ఓ విలేఖరి ప్రశ్నించగా....తానెప్పుడూ అలాంటి సినిమాలు చేయనని, తన సినిమాలు చూసి ఇప్పటివరకు ఎవరూ చెడిపోలేదని స్పష్టం చేసారు. బాలీవుడ్లో సినిమా చేస్తున్నారట కదా అన్న ప్రశ్నకు స్పందిస్తూ, వేరే ఇండస్ట్రీలోకి వెళ్లే ఆలోచన లేదని గతంలోనే చెప్పాను,

ఇప్పుడూ అదే చెబుతున్నాను. మరో పదేళ్ల పాటు టాలీవుడ్‌లోనే ఉంటానని ప్రిన్స్ స్పష్టం చేశారు. రాజకీయాల్లోకి వచ్చే ఆలోచన ఇప్పట్లో లేదని ఆయన తెలియజేశారు. అయితే మీడియా వారితో చాలా సరదాగా మాట్లడినట్లు తెలుస్తోంది. మీరు నాతో ఏదో ఒకటి చెప్పించి, వార్తలు రాయాలనే ఉద్దేశంతోనే ఇన్నీ ప్రశ్నలు అడుగుతున్నారని మీడియా విలేఖర్లతో మహేష్ బాబు నవ్వుతూ అన్నారు. ఏమైన నా సినిమాలు చూసి మంచి నేర్చుకుంటారు గానీ , ఎవరైన చెడిపోయినట్లు ఎక్కడజరగలేదని మహేష్ బాబు అన్నారు.