Posted: 03/21/2013 12:28 PM IST

బాలీవుడ్ ప్రముఖ నటుడు సంజయ్ దత్ 1993లో జరిగిన ముంబయి వరుస పేళుళ్ళ కేసులో నింధుతుడిగా ఉన్న విషయం తెలిసిందే. బాంబు పేలుళ్లలో 257 మంది మరణించగా...713 మంది తీవ్రంగా గాయపడ్డారు. ఈ కేసుకు సంబంధించిన తుది తీర్పును జాతీయ అత్యున్నత న్యాయస్థానం సుప్రీం కోర్టు తీర్పు వెలువరించింది. ఈ కేసులో పెద్ద సంఖ్యలో ఉన్న అప్పీళ్లు, క్రాస్‌అప్పీళ్లపై కూడా సుప్రీంకోర్టు తీర్పు వెలువరించింది. ఈ కేసులో ప్రధాన నింధితులు అయితన యాకూబ్, అబ్దుల్ రజాక్ మెమోన్‌లకు ఉరిశిక్షను విధించింది. మరో పదిమందికి జీవిత ఖైదు విధించింది. బాలీవుడ్ నటుడు సంజయ్ దత్ కి ఐదు సంవత్సారాల జైలు శిక్ష వేసింది. శిక్ష పడిన నిందితుల అప్పీలును సుప్రీం కోర్టు తోసిపుచ్చింది. ఈ కేసు నడుస్తున్న కాలంలో సంజయ్ దత్ ఇప్పటికే 18 నెలల జైలు శిక్ష అనుభవించాడు. ఈ తీర్పుతో  అతను ఇంకా మూడు సంవత్సరాల 6 నెలలు జైలుకు వెళ్లాల్సి వస్తుంది.

 

ఈ తీర్పు సమయంలో కొన్ని కీలక వ్యాఖ్యలను కూడా చేసింది. ఈ పేళుళ్ళలో ఉద్రవాదులకు పాకిస్థాన్ లో ఐఎస్ఐ శిక్షణ ఇచ్చిందని, దేశం పై జరిగిన కుట్రలో మహారాష్ట్ర పోలీసుల హస్తం, కస్టమ్స్ అధికారుల హస్తం ఉందని సుప్రీం పేర్కొంది. బాంబు పేళుళ్ళకు కుట్ర పన్నిన వారు ముంబయి నుండి దుబాయ్ వెళ్లారని, అప్పటి బాధితులకు న్యాయం జరగాలంటే నింధుతులు శిక్ష అనుభవించాల్సిందేనని, 2006లో టాడా కోర్టు ఇచ్చిన తీర్పును సమర్ధించింది. ఈ కేసులో మరో నింధుతుడు తప్పించుకు తిరుగుతున్నాడని పేర్కొంది. ఇక ఇందులో శిక్ష పడిన సంజయ్ దత్ ని నాలుగు వారాల్లో లొంగిపోవాలని కోర్టు ఆదేశించింది.