Posted: 03/21/2013 03:30 PM IST

సుపర్ణ వర్మ దర్శకత్వంలో నవాజుద్దీన్ సిద్దిక్వి సరసన నటించబోతున్న ఆత్మ సినిమాకు ముందు బిపాసా బసు ప్రఖ్యాత అజ్మేర్ దర్గాను సందర్శించింది.  

వరుసగా దయ్యం సినిమాల్లో వేసి ఆ ముద్ర వేయించుకోవటం బిపాసా బసు కి అంత ఇష్టం లేదు కానీ ఆ సినిమాలు బాగా నడవటం ఆనందాన్ని కలిగించిందంటూ బిపాసా చెప్తోంది.  ప్రతివాళ్ళూ శృంగారంగా కనిపించాలనే అనుకుంటారు కాబట్టి శృంగార నాయకిగా పడ్డ ముద్ర తనకి ఇష్టమే అయినా ఇలాంటి పాత్రలలో నటనకు అవకాశం ఉంటుందని అంటోంది.  

ఆత్మ సినిమా కూడా పేరుకు తగ్గట్టుగానే అతీంద్రియ శక్తులు, మానవాతీత ప్రపంచానికి చెందిన కథ.  ఈ సినిమాలో నవాజుద్దీన్ తో కలిసి చెయ్యటం తనకో మంచి అనుభూతిని కలిగించటం ఖాయమంటోంది బిపాసా.  ఎందుకంటే ఇద్దరి సినిమా అనుభవాలూ ఇంతవరకు వేరు వేరు విధంగా ఉన్నాయి కానీ ఇప్పుడ ఈ సినిమా కోసం కలిసికట్టుగా పనిచెయ్యటం తనకి మంచి తృప్తినిస్తుందని బిపాసా ఆశిస్తోంది.

ఇలాంటి సినిమాల్లో ప్రేక్షకులు రకరకాల భావోద్వేగాలకు లోనవుతారు కానీ బోర్ కొట్టి నిద్రలోకైతే పోరు అంటూ నవ్వింది బిపాసా.  కథా పరంగా ఆత్మ చిత్రం అనూహ్యంగా ఉంటుందని, ఇందులో సాంకేతిక ప్రమాణాల్లో గొప్పతనం కనిపిస్తుందని, 4డి సౌండ్ ఎఫెక్ట్ ప్రేక్షకులను అలరిస్తుందని చెప్పుకొచ్చిందామె.  

చనిపోయిన మనిషి తన కూతురిని కూడా తన ప్రపంచంలోకి తీసుకెళ్ళే ప్రయత్నమే ఈ ఆత్మ చిత్ర కథ.