Posted: 03/21/2013 11:42 AM IST

దివంగత మాజీ ముఖ్యమంత్రి వైయస్ రాజశేఖర్ రెడ్డి అత్మ బంధువు అయిన కేవీపీ రామచంద్రారావు పై కేంద్ర దర్యాప్తు సంస్థ అయిన సీబీఐ (సెంట్రల్ బ్యూరో ఆఫ్ ఇన్వెస్టిగేషన్) ఓ కన్నేసింది. వైయస్ రాజశేఖర్ రెడ్ది హయాంలో ఆయన చక్రం తిప్పిన విషయం తెలిసిందే. అప్పుడు ఆయన పోషించిన పాత్ర పై కూపీ లాగుతుంది. ఆయన అప్పటి ప్రభుత్వంలో పోషించిన పాత్ర గురించి సమాచారం ఇవ్వాలని రాష్ట్రప్రభుత్వాన్ని కోరింది. అయితే ఈయనను జగన్ అక్రమాస్తుల కేసులో భాగంగానే వివరాలు అడుగుతున్నట్లు తెలుస్తుంది. ఇప్పటికే జగన్ అక్రమాస్తుల కేసులో మంత్రులు, ఐఏఎస్ అధికారులు ఇరుక్కొని జైలు పాలయిన విషయం తెలిసిందే. మరి కొంత మంది పై కూడా సీబీఐ ఛార్జిషీటు ధాఖలు చేసిన విషయం తెలిసిందే. అయితే ప్రధాన ప్రతిపక్షం అయిన తెలుగు దేశం పార్టీ వారు వైయస్ ఆత్మను కూడా విచారించాలని ఆయన్ని విచారిస్తే మరిన్ని విషయాలు బయటికి వస్తాయని అంటున్న విషయం తెలిసిందే. కానీ ఇంత వరకు సీబీఐ కేవీపీని విచారణకు పిలవలేదు.

గతంలో ఓ సారి ఎమ్మార్ కేసు విచారణలో భాగంగా మాత్రం ఓసారి కేవీపి సిబిఐ ఎదుట హాజరయ్యారు. వైయస్ రాజశేఖర రెడ్డి హయాంలో కెవిపి కీలకంగా వ్యవహరించారనే వాదనలు ఉన్నాయి. వైయస్ వద్దకు వెళ్లాలంటే మొదట కెవిపిని కలవాల్సిందే అనేవారు. మొదటిసారి కాంగ్రెసు పార్టీ అధికారంలోకి వచ్చి వైయస్ ముఖ్యమంత్రి అయ్యాక కెవిపిని ప్రభుత్వ సలహాదారుగా నియమించుకున్నారు. కేబినెట్ హోదా కల్పించారు. ఆ తర్వాత రాజ్యసభ సభ్యుడయ్యారు. అయితే జోడు పదవుల వివాదం తలెత్తడంతో ఓ పదవికి రాజీనామా చేశారు. ప్రభుత్వ వ్యవహారాల్లో కీలక పాత్ర పోషించారు. ఇక ఆయన పూర్తిగా కిరణ్ కుమార్ రెడ్డి ముఖ్యమంత్రి అయ్యాక అన్ని పదవుల నుండి తప్పుకున్నారు. మరి ఈకేసు మెల్లిగా మెడకు చుట్టుకొని జైలు పాలు అయినా ఆశ్చర్యపడాల్సిన అవసరం లేదంటున్నారు రాజకీ విశ్లేషకులు. ముందు ముందు ఎన్ని మలుపులు తిరుగుతుందో చూడాలి.