Posted: 02/21/2013 11:41 AM IST

ప్రధానమంత్రి  కావేరి పై  తీసుకున్న నిర్ణయంతో  తమిళనాడు ముఖ్యమంత్రి జయలలిత  ఆనందం వ్యక్తం చేశారు.  ఇప్పటివరకు  తన పుట్టిన  రోజు వేడుకలకు అందిన  బహుమతలన్నింటిలో   ఇదే  అత్యత్తమమైనదని   జయలలిత అన్నారు.  కావేరీ నదీల జలాల పంపిణీ విధానాన్ని  కేంద్రం నోటీసు ఇచ్చిన   తరువాత  ఆమె తన ఆనందాన్నివ్యక్తం చేశారు.   వచ్చే ఆదివారం జరగనున్న  జయలలిత పుట్టిన  రోజుకు ఇంతకన్నా మంచి బహుమతి వుండబోదని, తమిళనాడు ప్రజల హక్కులు  కాపాడబడ్డాయని,  కావేరీ  డెల్టా  రీజియన్ లోని రైతులు  సైతం ఎంతో  ఆనందపడతారని  ఆమె అన్నారు.  ఈ అర్డర్లకు కర్నాటక   ప్రభుత్వం  కట్టుబడి  వుండాలని  ఆమె కోరారు.  కావేరీ నదీ  జలాల పంపిణీల పై  ఎట్టకేలకు  కేంద్రంలో కదలిక వచ్చింది.  కావేరీ జల వివాద  ట్రిబ్యునల్   ఇచ్చిన  అవార్డు ( తుది తీర్పు)  కు గెజిట్  రూపమిచ్చింది.    ఈ అంశంలో  సర్కారు  జాప్యం   చేస్తోందంటూ   సుప్రీంకోర్టు  ఆగ్రహం  వ్యక్తం చేసిన విషయం తెలిసిందే.   గెజిట్  నోటీఫికేషన్ పై  ఈ నెల 20 లోగా నిర్ణయం తీసుకోవాలంటూ,  4 స్పష్టమైన  ఆదేశాలు  కూడా ఇచ్చింది.   దీంతో   ఆరేళ్ల క్రితం   కావేరి  ట్రిబ్యునల్   ఇచ్చిన  అవార్డును  గెజిట్ లో  ప్రకటించింది.   ట్రిబ్యునల్  చైర్మన్,  జస్టిస్  ఎన్పీ సింగ్,  సభ్యులు  ఎన్ ఎస్ రావు, సుదీర్ నారాయణ్  2007 ఫిబ్రవరి  కావేరీ జలాల పంపిణీ పై ఏకగ్రీవ తీర్పు  వెలువరించారు. 

  దిగువ  కోలెరున్  ఆనకట్ట వద్ద కావేరీ   బేసిన్ లో   జలాల లభ్యతను 740  టీఎంసీలుగా  తేల్చారు.  కావేరీ   జలాలను నాలుగు  రాష్ట్రాలకు   పంచుతూ తుది తీర్పు ఇవ్వటం జరిగింది.   తమిళనాడుకు  419  టీఎంసీలు ( 562 టీఎంసీలు  డిమాండ్ చేశారు)  కర్టాటక 270 టీఎంసీలు  ( కోరింది 465 టీఎంసీలు) , కేరళ 30 టీఎంసీలు , పుదుచ్చేరికి 7 టీఎంసీల నీటిని  పంపిణీ చేశారు.   ఒకవేళ  వర్షాభావ  పరిస్థితులు  చోటు చేసుకొంటే  తమిళనాడుకు  190  టీఎంసీలు   విడుదల  చెయ్యాలని  ట్రిబ్యునల్  పేర్కొంది.  కేంద్రం  గెజిట్  నోటిఫికేషన్  ఇచ్చిన తరువాత  90 రోజుల్లోగా  ట్రిబ్యునల్   తీర్పు అమల్లోకి  వస్తుంది.  నోటిఫికేషన్  ఇచ్చినందును  కావేరీ రివర్  అథారిటీ ( సీఆర్ ఏ)  సీఎంసీ  వంటి సంస్థల కాలం తీరినట్టే. కావేరీ పరీవాహక రాష్ట్రాల  ప్రతినిధులు, జల వ్యవసాయ  నిపుణులతో  కూడిన  కావేరీ మేనేజ్ మెంట్  బోర్డు ( సీఎంబ) , కావేరీ  వాటర్   రెగ్యులేషన్  కమిటీ ఇక అస్థిత్వంలోకి వస్తాయి.  ఈ విషయం పై   జయలలిత మాత్రం తమ 22 ఏళ్ల  పోరాటం ఫలించిందని  ఆమె ఆనందం వ్యక్తం చేస్తుంది.   కావేరీ  జలాల వివాదానికి తెరదించుతూ  నిర్ణయం తీసుకొన్న  కేంద్రానికి , ప్రధానిమంత్రి మన్మోహన్ సింగ్ కు ,  తమిళనాడు మాజీ ముఖ్యమంత్రి  కురుణానిధిలకు   ఆమె క్రుతజ్నతలు తెలిపారు.  అయితే కేంద్రం తీసుకున్న నిర్ణయం పై కర్ణాటక  ముఖ్యమంత్రి  జగదీశ్ శేట్టర్  అసంత్రుప్తిగా ఉన్నట్లు సమాచారం.