Posted: 02/21/2013 11:27 AM IST

 కేంద్రహోం శాఖ మంత్రి  సుశీల్ కుమార్  షిండే  సారీ చెప్పాడు.  హిందు ఉగ్రవాదంపై  తను చేసిన వివాదాస్పద వ్యాఖ్యలకు  బాధపడుతున్నానని  షిండే  రాత్రి క్షమాపణ కోరారు.  పార్లమెంట్   బడ్జెట్  సమావేశానికి  ముందు షిండే  చేసిన ఈ ప్రకటన  భారతీయ   జనతాపార్టీని చల్లపరిచింది.  బడ్జెట్  సమావేశాల్లో   ఈ అంశాన్ని సాకుగా  తీసుకొని దుమారాన్ని  రేపాలని  అనుకున్న బీజేపి  వ్యూహ్యాన్ని  షిండే ప్రకటన  నీరుగార్చిందని చెప్పవచ్చు.  తన వ్యాఖ్యలు  ఎవరినైనా  నొప్పించి ఉంటే  విచారం వ్యక్తం   చేస్తున్నానని  పేర్కొన్నారు.   తాను ఏ మతానికి  ఉగ్రవాద రంగు  పులిమేందుకు ప్రయత్నించలేదన్నారు.    జైపూర్ లో గత నెల  నేను  చేసిన  ప్రకటన అపోహను స్రుష్టించింది.  ఉగ్రవాదాన్ని  ఏ ఒక్క  మతానికో  ముడిపెట్టానని, ఉగ్రవాద శిభిరాలను    నిర్వహించడంలో కొన్ని రాజకీయ సంస్థల ప్రమేయముందని  నేను ఆరోపిస్తున్ననని  షిండే అన్నారు.   అయితే  లోక్ సభ స్పీకర్  మీరాకుమార్   అధ్యక్షతన  జరిగిన  అఖిల పక్ష సమావేశంలో  కూడా లోక్ సభాపక్ష నేత , హోం మంత్రి షిండే  పార్లమెంటరీ వ్యవహారాల మంత్రి కమల్ నాథ్  ప్రతిపక్షాలు  అడిగిన అన్ని డిమాండ్లకు  దాదాపు  అంగీకరించారు.   అగస్టా  కుంభకోణానికి   సంబంధించి   సంయుక్త  పార్లమెంటరీ   కమిటీ ( జేపీసీ)  డిమాండ్ కైనా  తాము సిద్దమేనని   కమల్ నాథ్   చెప్పారు.  అలాగే, హిందు ఉగ్రవాదం  వ్యాఖ్యలపై   లోక్ సభలో  పత్రిపక్ష  నేత సుష్మా స్వారాజ్ కు  వివరణ  ఇచ్చేందుకు   ఇదే సమావేశంలో  షిండే  సంసిద్దత  వ్యక్తం చేశారు. ఆ తర్వాత  తాను హమీ ఇచ్చిన విధంగా   ప్రకటన విడుదల చేశారు.