Posted: 12/27/2012 04:48 PM IST

ఢిల్లీలో జరిగిన గ్యాంగ్ రేప్ పై దేశం నలుమూల నుండి నిరసనలు, ఆందోళనలు  జరుగుతున్న విషయం తెలిసిందే. అయితే  వైద్య విద్యార్థిని పై జరిగిన ఘటనకు  అనేక మంది రాజకీయన నాయకులు సైతం కన్నీళ్లతో బాధపడిపోయారు. ఇక విద్యార్థులు, మహిళ సంఘాలు, అయితే  ఢిల్లీలో ఉన్న ఇండియా గేట్  వద్ద  మూడు రోజులు నిరసనలు తెలిపి, చరిత్ర స్రుష్టించారు.  ఈ నిరసనలతో  కేంద్ర ప్రభుత్వ దిగిరాక తప్పలేదు.  అయితే  ఈ గ్యాంగ్ రేప్ ను కొంత మంది రాజకీయ నాయకులు తమకు అనుకూలంగా మలుసుకోవాలని  చాలా ప్రయత్నాలు చేసి, అలసిపోయారు. ఇటీవల ఆంద్రప్రదేశ్  పీసీసీ అధ్యక్షుడు  బొత్స సత్యనారాయణ  కూడా ఢిల్లీలో జరిగిన  సంఘటనపై ఠంగ్ స్లిఫ్   అవ్వటంతో,  కాంగ్రెస్ పార్టీ అధినేత్రి సోనియా గాందీ  ఆగ్రహానికి  బలైన విషయం తెలిసిందే. ఇక రాష్ట్రంలో అయితే  బొత్సకు మహిళ సంఘాలు, విధ్యార్థులు  ఆయన దిష్టిబొమ్మను దహానం చేశారు.   ఈ విషయం పై  రాజకీయ నాయకులు, ప్రముఖలు  అచితూచి మాట్లాడుతున్నారు.  ఎక్కడ ఏం మాట్లాడితే వివాదం జరుగుతుందోనని భయపడిపోతున్నారు.  ఆ బాధితురాలి కోసం  ఇప్పటికి  నిరసనలు జరుగుతున్నాయి. ప్రభుత్వం త్వరలో  దీనిపై నిర్ణయం తీసుకోవాలని  రాజకీయ పార్టీలు ఒత్తిడి తెచ్చాయి. 

అయితే ఇలాంటి సందర్భంలో   ఇండియా ప్రెసిడెంట్  కొడుకు అయ్యి  ఉండి  ఢిల్లీలో  జరిగిన  సంఘటనపై  విచిత్ర వ్యాఖ్యలు చేశారు.  రాష్ట్రపతి కుమారుడు అభిజిత్‌ ముఖర్జీ మరోసారి నోరు జారాడు. గ్యాంగ్‌ రేప్‌ ఘటనపై విద్యార్థిసంఘాలు చేస్తున్న క్యాండిల్‌ ర్యాలీలపై అనుచిత వ్యాఖ్యలు చేసారు. క్యాండిల్‌ ర్యాలీలు యువతకు ఫ్యాషన్‌షోలుగా మారాయని నోరేపారేసుకున్నారు. అభిజిత్‌ కామెంట్స్‌పై దేశ్యవ్యాప్తంగా నిరసనలు వ్యక్తమవుతున్నాయి. మహిళాసంఘాలు క్షమాపణలకు డిమాండ్‌ చేశారు. సాక్షాత్తూ అభిజిత్ సోదరి శర్మిష్టనే,... తన అన్న వ్యాఖ్యలను ఖండించారు.  అభిజిత్   ఇలాంటి  వ్యాఖ్యలు  కావాలనే చేశాడో, లేక తెలియక చేశాడో తెలియదు గానీ, మొత్తం మీద ఇప్పుడు  మీడియా మొత్తం  రాష్ట్రపతి కుమారుడు పైనే  ద్రుష్టి పెట్టింది.  ఇప్పటికే దేశంమంత  నిరసనలు  రేగుతున్నాయి. మహిళ సంఘాలు, విద్యార్థులను అభిజిత్  క్షమాణలు చెప్పాలని  డిమాండ్ చేస్తున్నారు.  కొంత మంది రాజకీయ నాయకులు మాత్రం  ఈ వ్యాఖ్యలు కావాలనే చేశారని, ప్లబిసిటి కోసమే  ఇలా మాట్లాడినట్లుగా ఉందని  బీజేపి నాయకులు అంటున్నారు.  ఈ విషయం పై రాష్ట్రపతి ప్రణబ్ ముఖర్జీ  ఏం మాట్లాడతారోనని మీడియా వారు ఎదురు చూస్తున్నారు.  కొడుకు చేసిన కామెంట్స్  ప్రణబ్ ముఖర్జీకి చెడ్డ పేరు తెచ్చేవిధంగా  ఉన్నాయని  కాంగ్రెస్ నాయకులు అంటున్నారు.  రాష్ట్రపతి కొడుకు ఇలాంటి చావకబారు వ్యాఖ్యలు చేయటం వలన  ప్రజల్లో చులకన భావం ఏర్పడుతుందని  సినీ రాజకీయ పండితులు అంటున్నారు.  ఆయన వెంటనే  క్షమాణాలు చెబితే  అందరికి మంచిదని  వారు అంటున్నారు.