Posted: 12/27/2012 12:47 PM IST

 రైల్లో ప్రయాణికులు ప్రయాణించాలంటే   తప్పనిసరిగా గుర్తింపు కార్డులు ఉండాలని  రైల్వేశాఖ  ఆదేశాలు  జారీ చేసింది.  అయితే ఈ ప్రక్రియ అమలవుతుందో లేదో  తెలియాదు గానీ, ఇప్పుడు ఇదే   పద్దతి  టెలిఫోన్ రంగంలోకి  పాకింది.  ఎవరైన  పబ్లిక్ పోన్  నుండి  పోన్ చేయాలంటే  గుర్తింపు కార్డు తప్పనిసరి  అని పోలీస్ వారు కొత్త రూల్స్ పెట్టారు. ఇది ముంబయిలో మొదట అమలు చేస్తున్నట్లు తెలుస్తోంది.  ఫోన్‌ ఉపయోగించే ప్రతి ఒక్క వ్యక్తి రికార్డును నిర్వహించాల్సిందిగా పబ్లిక్‌ కాల్‌ ఆఫీస్‌ (పిసిఓ) ఆపరేటర్లను ముంబయి పోలీసులు ఆదేశించారు. ఈ ఆదేశాల ప్రకారం, పిసిఓ ఫోన్‌ ఉపయోగించే వినియోగదారుడు కాల్‌ చేసుకోవడానికి ముందుగా తన గుర్తింపు కార్డును చూపించాల్సి వుంటుందని పోలీసు వర్గాలు తెలిపాయి. బూటకపు కాల్స్‌ బాధను అరికట్టేందుకు ఈ చర్య తీసుకుంటున్నట్లు చెప్పారు. ముంబయి పోలీసు కమిషనర్‌ డా.సత్యపాల్‌ సింగ్‌ ఇటీవలే ఈ సూచనను ప్రతిపాదించారు.

అనేక కేసుల్లో బూటకపు కాల్స్‌ అన్నీ పిసిఓల నుండి చేసినవి కావడాన్ని పరిశీలించిన అనంతరం ఈ మేరకు ఆదేశాలు జారీ చేశారు. సైబర్‌ కేఫ్‌లను ఉపయోగించే వారు తప్పనిసరిగా గుర్తింపు కార్డులను చూపించాలన్న ఆదేశాన్ని విజయవంతంగా అమలు చేసిన తర్వాత ఈ ఆదేశాలు జారీ అయ్యాయి. బూటకపు కాల్స్‌ తగ్గడానికి తీసుకునే ఒక చర్యగా దీనిని పరిగణిస్తున్నారు. దీనికి సంబంధించి ముసాయిదా సిద్ధమైతే దాన్ని కమిషనర్‌కు పంపిస్తారు. అప్పుడు సిపిసిలోని 144వ సెక్షన్‌ కింద ఆయన ఆదేశాలు జారీ చేస్తారు. స్థానిక పోలీసు స్టేషన్లు తమ పరిధిలో వున్న పిసిఓలను పర్యవేక్షించాల్సి వుంటుంది. ఒకవేళ ఏ పిసిఓ ఆపరేటర్‌ వీటిని అమలు చేయడంలో విఫలమైతే వారిని 188వ సెక్షన్‌ కింద అరెస్టు చేస్తారు.