Posted: 12/24/2012 10:17 AM IST

నేనైతే గొంతు పిసికి చంపేస్తా? అంటు కాంగ్రెస్ పార్టీ  అధికార ప్రతినిధి   రేణుక చౌదరి ఆవేశంగా అన్నారు.  ఒక మహిళ నాయకురాలు ఇలా ఆవేశంగా మాట్లాడటం ఏమిటి? అనుకుంటున్నారు. ఇక్కడ ఆమె ఆవేశానికి అర్థం ఉందని కాంగ్రెస్ మహిళ నాయకులు అంటున్నారు.  ఢిల్లీలో వైద్య విద్యార్థిని పై జరిగిన  గ్యాంగ్ రేప్  నిరసనగా  విద్యార్థిలోకం మొత్తం ఏకమై ఢిల్లీలో ఇండియా గేట్ వద్ద  భారీ ఎత్తున నిరసనలు తెలిసిన విషయం తెలిసిందే.  అయితే విద్యార్థులపై  పోలీసులు  అనుచితంగా ప్రవర్తించారు.  శాంతియుతంగా నిరసనలు తెలుపుతున్న విద్యార్థులపై  పోలీసులు  లాఠీ చార్జీ,  బాష్పవాయువు గోళాలు, వాటర్ కేన్లను ప్రయోగించారు. కానీ విద్యార్థులు పోలీసుల చర్యలకు  భయపడకుండా బాధితురాలికి అండగా ఉండి, న్యాయం జరగాలని  వారు కోరుతున్నారు.  ఈ ఘటనకు బాధ్యులైన  వారిని కఠినంగా  శిక్షించాలని  విద్యార్థులు కోరుతున్నారు. 

ఈ ఘటనకు మద్దతు తెలుపుతూ  కాంగ్రెస్ అధికార ప్రతినిధి రేణుక చౌదరి  మాట్లాడుతూ   గ్యాంగ్ రేప్ చేసిన  నిందితులను  ఉరి తీయడం కాదని..  వాళ్ల గొంతు పిసికేద్దామన్నంత పిచ్చి  కోపం ఒక మహిళగా , తల్లిగా తనకు వస్తోందని  ఆమె ఆవేశంగా అన్నారు.  ఇలాంటి ఘటనలు జరిగినప్పుడుల్లా సమాజం కలిసి కట్టుగా  అడవాళ్లనే  బాధ్యులను  చేస్తోందని  తప్పుబట్టారు. ‘‘ ముఖం కనబడకుండా తలనిండగా కప్పుకో. ఒళ్లు కనిపించకుండా నిండుగా బట్టలు వేసుకో. చదవద్దు,  రాత్రిళ్లు  ఉద్యోగం  చేయొద్దు.. చిన్న  వయసు లోనే పెళ్లి చేసేస్తే సరిపోతుంది.  మనకెందుకు వచ్చిన గొడవలు  అంటూ కొంత మంది  ఆడిపిల్లలపై  ఆంక్షలు విదిస్తుంటే. అసలు  ఆడపిల్లల్ని  కాపలా కాయలేమంటూ   మరికొంతమంది పురిట్లోనే  చంపేస్తున్నారని  రేణుక చౌదరి  ఆవేదన వ్యక్తం చేశారు.  మహిళలపై  జరుగుతున్న దాడులకు ద్రుష్టిలో ఉంచుకోని  మహిళలకు రక్షణగా ఒక చట్టం చేయాలని  ఆమె డిమాండ్ చేశారు.  ఇలాంటి వారిని వెంటనే చంపేస్తే  వారికి  ఆ నొప్పి తెలియాదు  కాబట్టి, వీరి మరణం  ముందు వారికి గుణపాఠం కావాలని  ఆమె ఆవేశంగా  అన్నారు.  దీనిపై కఠిన చర్యలు  తీసుకోవాలని  సోనియా గాంధీతో  మాట్లాడతానని రేణుక చౌదరి అన్నారు.