Posted: 12/06/2012 04:02 PM IST

కాంగ్రెస్ పార్టీ అధినేత సోనియా గాంధీ కూతురు ప్రియాంక గాంధీ  తన మరణానంతరం తన అవయవాల దానానికి  సమ్మతించారు. రాజకీయాల్లోకి వస్తారో లేదో తెలియాదు గానీ, ప్రియాంక మాత్రం తన అవయవాలను దానం చేశారు.  ఇప్పుడు ప్రియాంక పేరు అవయవ దాతల జాబితాలో చేరిందని శ్రీ గంగారామ్ ఆస్పత్రి వర్గాలు వెల్లడించాయి.  అయితే ప్రియాంక అవయవ దానం కార్యక్రమంలో  పాల్గొందామని భావిందట. కానీ ఆమెకు కుదరలేదట. అందువలన ప్రియాంక పేరును  అవయవదాతల జాబితాలో  మీరు ప్రకటించవచ్చు అని ప్రియాంక ఎస్సెమ్మెస్ రూపంలో పంపినట్లు  ఆస్పత్రి వర్గాలు చెబుతున్నాయి.  ప్రియాంక గాంధీ అదే ఆస్పత్రిలో  తన ఇద్దరి పిల్లలకు జన్మనిచ్చినట్లు తెలుస్తోంది.  వంశపారంపర్యంగా వస్తున్న  సంప్రదాయాన్ని  ప్రియాంకా గాంధీ కూడా  కొనసాగించనుంది.  తన కుమారుడు  రెహన్ ను  ప్రఖ్యాత డూన్ పాఠశాలలో  చేర్పించాలని  ప్రియాంకా భావిస్తోంది. 

ఇందుకోసం  ఆమె డెహ్రడూన్  వెళ్లినట్లు తెలుస్తోంది.  ప్రియాంక కుమారుడు రెహను వచ్చే ఏడాది డూన్ పాఠశాలలో 7వ తరగతిలో  చేరనున్నట్లు సమాచారం. ప్రియాంక పాఠశాల అధికారులతో  మాట్లాడినట్లు తెలుస్తోంది. భారత్ లో  ప్రఖ్యాత పాఠశాలలో  ఒకటిగా డూన్ పాఠశాలను  పేర్కొంటారు.  అంతర్జాతీయంగా ఈ పాఠశాలకు మంచి పేరుంది.  మాజీ ప్రధాని ఇందిరా గాంధీ తనయులు రాజీవ్ గాంధీ, సంజయ్ గాంధీలను  ఇక్కడే చదివించినట్లు తెలుస్తోంది.  ఆ తర్వాత సోనియాగాందీ కూడా  ఆ సంప్రదాయాన్ని  కొనసాగిస్తూ  రాహుల్ గాంధీని  ఇదే పాఠశాలలో చేర్పించారు. ఇప్పుడు  ప్రియాంకా గాంధీ  కూడా అదే బాటలో  నడుచుకుంటున్నారు. 1935లో సతీష్  రంజన్ దాస్  ఈ డూన్ పాఠశాలను ఏర్పాటు చేశారు.